ۇلى جازۋشى مۇحتار اۋەزوۆتىڭ: «جەر بەتىندە ۋنيۆەرسيتەتتەي قاسيەتتى ورىن سيرەك، ونسىز ەلدىڭ وركەنيەتى ولقى سوعادى. ۋنيۆەرسيتەت بەينە پورمەتەي الاۋى سىندى ءبىلىم قۋعاندارعا ءوز شۇعىلاسىن شاشىپ تۇرادى»، دەگەنى بار. كەمەڭگەردىڭ وسى وي ۇشىعىنان-اق، ۋنيۆەرسيتەتتىڭ ۇلت وركەنيەتىندەگى تەڭدەسسىز ۇلەسىن باعامداۋعا بولادى.
ال قازاق وركەنيەتى مەن ءعىلىم-بىلىمى ءۇشىن ءال-فارابي اتىنداعى قازۇۋدىڭ الار ورنى تىم بولەك. بۇگىندە ءال-فارابي اتىنداعى قازۇۋ ەرەكشە مارتەبەسى بار قازاقستاننىڭ جەتەكشى كلاسسيكالىق ۋنيۆەرسيتەتى سانالادى. ۋنيۆەرسيتەت جوعارى كاسىبي، جوعارى وقۋ ورنىنان كەيىنگى ءبىلىم مەن عىلىمدى يننوۆاسيالىق دامىتۋدىڭ ۇلتتىق كوشباسشىسى بولىپ كەلدەى.
ەل عىلىمىنىڭ ەجەلگى روداسى سانالاتىن قاسيەتتى وقۋ ورىنى بيىل دا تولاعاي تابىستارعا قول جەتكىزدى. ايتالىق العاش رەت قازاقستاندىق ۋنيۆەرسيتەت — ءال-فارابي اتىنداعى قازۇۋ الەمدەگى 800 ەڭ ۇزدىك ۋنيۆەرسيتەتتەر اراسىندا جوعارى ورىنعا يە بولىپ، QS «World University Rankings» حالىقارالىق رەيتينگىسىندە تاعى جوعارى ورىنعا العا شىقتى. بۇل توپقا پوستكەڭەستىك كەڭىستىكتەن تەك ەكى ۋنيۆەرسيتەت كىرەدى: قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رف). بۇل جەتىستىك الەمدىك وركەنيەتتىڭ كوشىنە ىلەسىپ، دۇنيە دامۋىنا وزىندىك ۇلەس قوسىپ كەلە جاتقانىمىزدى ايعاقتايدى.
پرەزيدەنت قازاقستاننىڭ جوعارى وقۋ ورىندارىنا الەمدەگى ەڭ ۇزدىك 200 جوو قاتارىنا كىرۋ مىندەتىن قويىپ وتىر. قازۇۋ الەمدىك كەڭىستىكتە مويىندالعان ەلىمىزدىڭ جەتەكشى ۋنيۆەرسيتەتى رەتىندە وسى ماڭىزدى مەملەكەتتىك تاپسىرمانى ىسكە اسىرۋدا ماقساتتى جۇمىس اتقارۋدا. سوڭعى بەس جىلدا ۋنيۆەرسيتەت «QS WUR» رەيتينگىسىندە 400-دەن استام پوزيسياعا كوتەرىلدى. الەمدىك تاجىريبەدە بىردە-بىر ۋنيۆەرسيتەت وسىنداي ءوسۋ ديناميكاسىنا قول جەتكىزىپ كورمەپتى.
قازۇۋ-دىڭ وسى رەيتينگىدە تابىستى ىلگەرىلەۋىنىڭ ماڭىزدى فاكتورى كەڭ اۋدىمقى قۇرىلىمدىق مودەرنيزاسيا، ناتيجەگە باعىتتالعان باسقارۋدىڭ جوعارى تيىمدىلىگى، سونداي-اق سوڭعى بەس جىل ىشىندە 40 پايىزعا وسكەن بىرەگەي ينفراقۇرىلىمنىڭ قارقىندى دامۋى بولىپ تابىلادى. الەمدىك دەڭگەيدەگى زەرتتەۋ ۋنيۆەرسيتەتىنە اينالۋ باعىتىن ساقتاي وتىرىپ، قازۇۋ مەديسينا-بيولوگيالىق جانە يننوۆاسيالىق ءىت كلاستەرىن قالىپتاستىرۋ بويىنشا جۇمىس جاساۋدا، ونىڭ نەگىزىن جاڭا سۋپەركومپيۋتەر قۇرايتىن بولادى. وسى كەشەندى جوبالار كەلەشەكتە ەل دامۋىنادا وزىندىك ىقپال ەتەدى دەپ سەنەمىز.
بۇگىندە قازۇۋ-دىڭ تاڭعالارلىق تاجىريبەسىن الەمنىڭ جەتەكشى ۋنيۆەرسيتەتتەرى زەرتتەۋ ۇستىندە، بۇل ۋنيۆەرسيتەتتىڭ جوعارى باسەكەگە قابىلەتتىلىگىنىڭ كورسەتكىشى بولىپ تابىلادى. جەتەكشى قازاقستاندىق جوعارى وقۋ ورنىنىڭ الەمدىك ءعىلىمي-بىلىم بەرۋ كەڭىستىگىندەگى ارتىپ كەلە جاتقان ءرولىن ەسكەرە وتىرىپ، «QS Worldwide» اتقارۋ كەڭەسى 2019 جىلدىڭ قىركۇيەگىندە ءال-فارابي اتىنداعى قازۇۋ نەگىزىندە بۇكىلالەمدىك فورۋم جانە جوعارى وقۋ ورىندارىنىڭ حالىقارالىق كورمەسىن وتكىزۋ تۋرالى شەشىم قابىلدادى. وسىنداي اۋقىمدى ءىس-شارانى وتكىزۋ قازاقستاننىڭ ءوسىپ كەلە جاتقان بەدەلىن ايعاقتايدى جانە ەلدىڭ جوعارى ءبىلىم بەرۋ جۇيەسىن الەمدە العا جىلجىتۋعا ىقپال ەتەتىن بولادى. ءال-فارابي اتىنداعى قازۇۋ 2020 جىلعا دەيىن بۇۇ «اكادەميالىق ىقپال» باعدارلاماسىنىڭ عالامدىق حابىنا جەتەكشىلىك ەتەتىن بولدى. بۇل شەشىم ۋنيۆەرسيتەتتىڭ تۇراقتى دامۋ سالاسىنداعى تابىستى باسشىلىق قىزمەتىنىڭ قورىتىندىسى نەگىزىندە قابىلداندى. ءبىز سۇيىكتى ءبىلىم جۇرتىمىزدىڭ جاھاندىق وركەنيەتكە ۇزدىك ۇلەس قوساتىندىعىنا سەنەمىز. الداعى ۋاقىتتادا قازاق عىلىمىنىڭ قاراشاڭىراعى سانالاتىن ءبىزدىڭ ۋنيۆەرسيتەت الەمدىك باسەكەگە قابىلەتى ەل قۇۋ مۇراتىنا بەرىك ىرگە تاس بولا الاتىندىعى ءشۇباسىز.
توقسانبايەۆا نۇرگۇل قورعادجان قىزى. پسيحولوگيا عىلىمدارىنىڭ دوكتورى، ءال-فارابي اتىنداعى ءقازۇۋ-نىڭ جالپى جانە قولدانبالى پسيحولوگيا كافەدراسىنىڭ پروفەسسورى
زاكاريانوۆا شىنار نۋربەكوۆنا. پەداگوگيكا عىلىمدارىنىڭ كانديداتى، ءال-فارابي اتىنداعى ءقازۇۋ-نىڭ جالپى جانە قولدانبالى پسيحولوگيا كافەدراسىنىڭ اعا وقىتۋشىسى
پىكىر قالدىرۋ