دەمالىس كۇندەرى قازاقستاننىڭ ءۇش قالاسىندا ميتينگ ءوتتى. ميتينگكە شىعۋشىلار ءارتۇرلى ماسەلە كوتەرىپ، نارازىلىق ءبىلدىردى. 

8 ساۋىردە استانا قالاسىندا فەمينيستىك ۇيىمدار زورلىق-زومبىلىققا قارسى ميتينگكە شىقتى. ميتينگكە شىققاندار قاتارىندا ەرلەر دە بولدى. زورلىق-زومبىلىققا قارسى كۇرەسكە شاقىرعان نارازىلىق بىلدىرۋشىلەر "شىداما"، "ازات ايەل"، "كەيدە ءۇي ەڭ ءقاۋىپتى مەكەن" سىندى ۇراندار جازىلعان پلاكاتتار ۇستاپ، نارازىلىق بىلدىرگەن. 

9 ساۋىردە اتىراۋ قالاسىندا "مۇنايشى" ستاديونىنىڭ الدىنا جينالعان تۇرعىندار ەكولوگيالىق ميتينگ وتكىزدى. قالا بىرنەشە كۇن بويى قامىس ورتىنەن قويۋ تۇتىنگە تۇنشىعىپ وتىر. شەرۋشىلەر قالا اكىمىشىلگىنە نارازىلىق ءبىلدىردى. ولار قولدارىنا "اۋا جۇت، اتىراۋ"، "ەكولوگيا كىرىستەن دە قىمبات" سىندى پلاكاتتار ۇستاعان.

9 ساۋىردە الماتى قالاسىنداعى رەسپۋبليكا الاڭىندا رىسبەك سارسەنباي مەن مۇحتار تايجان باستاعان حالىقتىق پارلامەنت وكىلدەرى سايلاۋ ناتيجەلەرىنە قارسى ميتينگ وتكىزدى. ەكى ساعاتقا سوزىلعان ميتينگ ناتيجەسىندە حالىقتىق پارلامەنت قاۋلى قابىلداپ، ميتينگ اياقتالىسىمەن بەيبىت تۇردە تارادى.