قازمۇنايگاز كومپانياسى جاڭاوزەندەگى جارىلىس سالدارىنان باسپاناسىز قالعانداردى جاڭا پاتەرمەن قامتاماسىز ەتەتىنىن مالىمدەدى.
"باسپاناسىز قالعان وتباسىلار جاڭا پاتەرگە يە بولادى، زارداپ شەككەندەرگە جەرگىلىكتى اتقارۋشى ورگاندارمەن بىرلەسە وتىرىپ كومەك كورسەتىلەدى"، – دەپ حابارلادى كومپانيانىڭ باسپا ءسوز قىزمەتى.
قازمۇنايگاز جارىلىس سالدارىنان قازا تاپقان ازاماتتىڭ وتباسىنا كوڭىل ايتىپ، زارداپ شەككەندەردىڭ قايعىسىنا ورتاق ەكەنىن دە جازدى.
ەسكە سالا كەتەيىك، بۇگىن جاڭاوزەندەگى قوس قاباتتى تۇرعىن ۇيلەردىڭ بىرىندە گاز جارىلىپ، ءبىر ادام قازا تاپقان بولاتىن. سونىمەن قاتار، جارىلىس سالدارىنان 11 ادام زارداپ شەككەن.
پىكىر قالدىرۋ