قۇمار ويىندارعا تاۋەلدىلىك ۇقك كۋرسانتىنىڭ ولىمىنە سەبەپ بولدى. بۇل تۋرالى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى مارات كولقوبايەۆ ايتتى.
"كۋرسانتتىڭ ولىمىنە قۇمار ويىندارعا تاۋەلدىلىك سەبەپ بولعانى انىقتالدى. بۇل ۇقك اكادەمياسىنىڭ تاريحىنداعى العاشقى جاعداي. قۇمار ويىندارعا تاۋەلدىلىكتىڭ بىردەن پايدا بولمايدى. ەڭ الدىمەن ادامنىڭ قۇمار ويناي باستاعان ءساتىن انىقتاۋ كەرەك»، – دەدى ول.
ءقازىر بۇل ءىستى پوليسيا تەرگەپ جاتىر.
"ۇلتتىق قاۋىپسىزدىك ورگاندارىنا الىنباس بۇرىن كەز–كەلگەن ادامدى تەكسەرۋدەن وتكىزەمىز. ونىڭ قاتارىندا پسيحولوگيالىق تەكسەرىس تە بار. بولاشاقتا اكادەميادا مونيتورينگ جۇرگىزەتىن بولامىز، ول ءۇشىن ارنايى پسيحولوگيالىق قىزمەت پەن قاۋىپسىزدىك ءبولىمى بار"،– دەپ مالىمدەدى مارات كولقوبايەۆ.
ەسكە سالا كەتەيىك، 30 ساۋىردە الماتىدا ۇقك اكادەمياسىنىڭ كۋرسانتى ءولى كۇيىندە تابىلعان بولاتىن.
پىكىر قالدىرۋ