قازاقستاندا ۋربانيزاسيا مەن مەگاپوليستەر تۇرعىندارىنىڭ شوعىرلانۋىنىڭ تۇراقتى ءۇردىسى بايقالادى.

• بۇل قالا ينفراقۇرىلىمىن دامىتۋدا ايتارلىقتاي ىلگەرىلەۋدى قاجەت ەتەدى.
• بۇل قورشاعان ورتاعا قىسىم جاسايدى، ويتكەنى عيماراتتار ەنەرگيانى، ەلەكتر قۋاتى مەن سۋدى تۇتىنادى.

قازاقستان حالقى تىعىز ورنالاسقان ەل بولماسا دا، ەكو-دامۋ ماسەلەسى ءبىز ءۇشىن دە وتە وزەكتى. جەرىنىڭ ۇلكەندىگىنە قاراماستان، رەسپۋبليكا حالقى قالالارعا ۇمتىلادى جانە قالالىق جەرلەردە شوعىرلانعان.

بيىل ءۇشىنشى توقسانىنىڭ قورىتىندىسى بويىنشا قالا تۇرعىندارىنىڭ سانى 12،4 ملن ادامعا جەتتى — ءبىر جىل بۇرىنعىدان 2%، بەس جىل بۇرىنعىدان 17% جانە ون جىل بۇرىنعىدان بىردەن ۇشتەن بىرگە جۋىق كوپ. قازاقستاندا قالا تۇرعىندارىنىڭ ۇلەسى بەس جىل بۇرىن 57،8%، ون جىل بۇرىن 55% بولعان. ءقازىر 62%.