قازاقپارات اگەنتتىگىنىڭ حابارلاۋىنشا، 2016 جىلى قازاقستان جىلىنا 100 مىڭ اۆتوموبيل شىعارادى. بۇگىن ق ر يندۋستريا جانە جاڭا تەحنولوگيالار مينيسترلىگىنىڭ القا ماجىلىسىندە پرەمەر-مينيستر سەرىك احمەتوۆ وسىلاي دەدى.
«2016 جىلى شامامەن 100 مىڭ اۆتوموبيل شىعاراتىن بولامىز. بۇعان دەيىن قازاقستان مۇنداي كولەمدە ءونىم شىعارعان ەمەس. بۇل ءونىمنىڭ 50 پايىزى ەكسپورتقا شىعارىلۋى ءتيىس»، - دەدى ول. ايتا كەتەيىك، القا ماجىلىسىندە يندۋستريا جانە جاڭا تەحنولوگيالار ءمينيسترى اسەت يسەكەشيەۆ بيىل اۆتوموبيل وندىرىسىندە 60 مىڭ كولىك شىعارۋ جوسپارلانعانىن اتاپ وتكەن ەدى. سونداي-اق، اعىمداعى جىلى وتاندىق نارىققا تويوتو كومپانياسى جوباسى بويىنشا العاشقى جول تالعامايتىن كولىك شىعارىلاتىن بولادى.
مينيسترلىكتىڭ اقپاراتىنا قاراعاندا، وتكەن جىلى ەلىمىزدە 38 مىڭعا جۋىق جەڭىل كولىك پەن 922 اۆتوبۋس شىعارىلدى. ءوندىرىس كولەمى 850 ملرد. تەڭگەدەن استى.
"قامشى" سىلتەيدى
پىكىر قالدىرۋ