ەكى كۇننەن كەيىن سوچي قالاسىندا قىسقى وليمپيادا ويىندارى باستالادى. سپورت وقيعاسىنا بارا الماعان جانكۇيەرلەر سالتاناتتى اشىلۋ ءراسىمى مەن تارتىسقا تولى تاماشا ساتتەردى تەلەارنادان قىزىقتايدى. الايدا ويىنداردى كورسەتۋ قۇقىعى بارلىق ارنالارعا بۇيىرا بەرمەيدى.
بۇگىن ق ر پرەزيدەنتى جانىنداعى ورتالىق كوممۋنيكاسيالار بريفينگىندە سوچيدەگى وليمپيادا ويىندارىن اقپاراتتىق قولداۋ ماسەلەسى ءسوز بولدى. بىرەر كۇننەن كەيىن سپورت الەمىندەگى ەڭ باستى وقيعا ءححىى قىسقى وليمپيادا ويىندارى باستالادى. 7-23 اقپان ارالىعىندا دۇنيەجۇزىنىڭ ميلليونداعان جانكۇيەرىمەن بىرگە قازاقستاندىق كورەرمەن دە سوچيدەگى قىزۋ تارتىستى تاماشالايدى. ال ەل اۋماعىندا وليمپيادا ويىندارىنىڭ ترانسلياسيالاۋ قۇقىعىنا العاش رەت رەسپۋبليكالىق ەكى تەلەارنا يە بولىپ وتىر. اتاپ ايتقاندا، «حابار» اگەنتتىگى» مەن «قازسپورت» ارناسى. باسقا اقپارات كوزدەرىنىڭ وليمپيادادان قانداي دا ءبىر بەينەماتەريال نەمەسە فوتوسۋرەت تاراتۋى زاڭسىز دەپ سانالادى. قىسقى وليمپيادا ويىندارىن قازاقستاندا ترانسلياسيالاۋدا ايرىقشا قۇقىققا يە بولعان «حابار» اگەنتتىگى» اشىلۋ سالتاناتىن تىكەلەي ەفيردە كورسەتەدى. 3،5 ساعاتقا سوزىلاتىن وقيعا 7 اقپاندا استانا ۋاقىتىمەن 22:00-دە كورەرەمەن نازارىنا ۇسىنىلادى. سونىمەن قاتار تەلەارنا سپورتتىڭ جەكە تۇرلەرىنىڭ اياقتالۋىن جانە وليمپيادانىڭ جابىلۋىن دا تىكەلەي ەفيردەن بەرەدى. بيىلعى ەفير ۋاقىتىنىڭ جۇزدەن استام ساعاتى وسى جىلدىڭ باستى سپورتتىق جارىسىنا ارنالماق. جانكۇيەرلەر وليمپيادانىڭ ەڭ قىزىقتى جانە ماڭىزدى ساتتەرى تۋرالى جارىس كۇندەلىگى ارقىلى حاباردار بولادى. سونداي اق وليمپيادالىق سايىستار تۋرالى سيۋجەتتىك شولۋلار «24KZ» تەلەارناسىنىڭ جاڭالىقتارىنان دا ۇدايى بەرىلىپ تۇرادى. ال ويىنداردى ەفيردە زاڭسىز تاراتقان دەرەكتەرگە كۋا بولعان ازاماتتارعا قۇقىق قورعاۋ ورگىندارىنا دەرەۋ حابارلاسۋ سۇرالادى.
سوچيدەن العاشقى تارنسلياسيا ەرتەن ساعات 11:35-تە «قازسپورت» تەلەارناسىنان باستاۋ الادى. كورەرمەندەر سنوۋبوردتان ىرىكتەۋ سىندارىن تاماشالايدى. ەندەشە، سپورت وقيعالارىن تاماشالاپ، جەرلەستەرىمىزدىڭ جەڭىستەرىنە كۋا بولايىق.
"ب ا ق.kz"
پىكىر قالدىرۋ