بۇل تۋرالى وكق الاڭىندا ق ر مام مادەنيەت كوميتەتى ءتوراعاسىنىڭ ورىنباسارى ءسابيت بارلىبايەۆ حابارلادى.

   - تاريحي تۇرعىدان العاندا، جاڭا جىلدى تويلاۋ 8-9 كۇنگە جالعاسىپ، ونى "ناۋرىزناما" دەپ اتاعان. ارينە، بۇل تۋرالى دەرەكتەر ۇلى فيلوسوف-جازۋشىلارىمىز ماحمۇد ءقاشعاريدىڭ، ءماشھۇر ءجۇسىپ كوپەي ۇلىنىڭ، اباي قۇنانباي ۇلىنىڭ، مۇحتار اۋەزوۆتىڭ ەڭبەكتەرىندە جازىلعان، - دەدى سپيكەر.

    ناۋرىزناما ونكۇندىگى

14 ناۋرىز كۇنى – كورىسۋ كۇنى - امال مەرەكەسى تويلانادى. نەگىزىندە ەلىمىزدىڭ باتىس وڭىرلەرىندە ساقتالعان مەرەكە ەندى بارلىق ايماقتاردا تويلانادى.

15 ناۋرىز – قايىرىمدىلىق كۇنى. بۇل كۇن قايىرىمدىلىققا، مەيىرىم مەن تاتۋ كورشىلىككە ارنالادى.

16 ناۋرىز – مادەنيەت جانە ۇلتتىق ءسالت-داستۇر كۇنى. بۇل كۇن مادەنيەتىمىزدى، ونەرىمىز بەن ۇلتتىق قۇندىلىقتارىمىزدى ناسيحاتتاۋعا ارنالادى.

17 ناۋرىز – شاڭىراق كۇنى. وسى كۇنى وتباسىلىق قۇندىلىقتارىمىزدى دارىپتەۋگە، ونەگەلى ۇرپاق تاربيەلەگەن ۇلگىلى وتباسىلارعا ارنالعان مادەني ءىس-شارالار ۇيىمداستىرىلادى.

18 ناۋرىز – ۇلتتىق كيىم كۇنى. ناۋرىزنامانىڭ ونكۇندىگىندە ەلىمىزدىڭ بارلىق وڭىرلەرىندە ۇلتتىق كيىمدەرىمىزدى ناسيحاتتاۋعا باعىتتالعان ءتۇرلى ءىس-شارالار وتكىزىلمەك.

19 ناۋرىز – جاڭارۋ كۇنى. وسى كۇنى كوكتەمگى اعاش ەگۋ ءداستۇرىن جالعاستىرۋ ۇسىنىلدى.

20 ناۋرىز – ۇلتتىق سپورت كۇنى. بۇل كۇنى ەلدىڭ بارلىق ايماقتارىندا ۇلتتىق سپورتتان ءتۇرلى جارىستار ۇيىمداستىرىلادى.

21 ناۋرىز – ىنتىماق كۇنى. بۇل كۇننىڭ يدەياسى – جالپى حالىق بىر-بىرىنە دەگەن سىي-قۇرمەتتەرىن ارتتىرىپ، تاتۋلىق پەن بىرلىكتى ناسيحاتتاۋ.

22 ناۋرىز – جىل باسى. بۇل كۇنى ەلىمىزدىڭ بارلىق وڭىرلەرىندە جالپىحالىقتىق مادەني-سپورتتىق ءىس-شارالار وتكىزىلىپ، ءستيلدى ەتنواۋىلدار مەن ءتۇرلى جارمەڭكەلەر ۇيىمداستىرىلادى.

- 14-23 ناۋرىز ارالىعىندا "ناۋرىز-بازارلىق" ماۋسىمى جاريالانادى. بۇل كۇندەرى ساۋدا ورىندارىندا جاپپاي ساتىلىمدار وتكىزۋ، جەڭىلدىكتەر جاساۋ جوسپارلانۋدا، - دەدى ق ر مام مادەنيەت كوميتەتى ءتوراعاسىنىڭ ورىنباسارى ءسابيت بارلىبايەۆ وكق الاڭىندا.

ايتا كەتسەك، ناۋرىزنامانىڭ قورىتىندى كۇنى، جاڭا جىلدى قارسى الۋدىڭ سيمۆولى رەتىندە 23 ناۋرىز – تازارۋ كۇنى دەپ جاريالاندى. بۇل كۇنى قازاقستاننىڭ بارلىق ايماقتارىندا جالپىۇلتتىق ەكولوگيالىق اكسيا وتەدى.