مەملەكەت باسشىسى ءبىلىم گرانتتارىن سارالاۋدى ەنگىزۋدى تاپسىرعان ەدى. بۇل يدەياعا سايكەس، گرانت وقۋدىڭ بارلىق قۇنىن جابۋعا مىندەتتى ەمەس، ءبىراق ۇبت ناتيجەلەرىنە جانە ءبىلىم الۋشىنىڭ باسقا كورسەتكىشتەرىنە بايلانىستى وسى شىعىنداردىڭ 30 پايىزىن وتەي الادى. سوندىقتان قاۋلىنىڭ جاڭا رەداكسياسىندا 100 پايىز گرانتپەن وقىمايتىندارعا شاكىرتاقى تولەۋ ۇسىنىلىپ وتىر.

ءقازىر شاكىرتاقى بارلىق ستۋدەنتكە بىردەي بەرىلەدى. ەندى 2024 جىلدان باستاپ وقۋ ۇلگەرىمى ۇزدىك ستۋدەنتتەرگە شاكىرتاقىنى ۇلعايتۋ جانە بونۋستار بەلگىلەۋ ۇسىنىلدى.

باكالاۆرلار ءۇشىن – ايىنا 41 898 تەڭگەدەن 47 135 تەڭگەگە دەيىن، ۇزدىك ستۋدەنتتەر ءۇشىن – 54 205 تەڭگەگە دەيىن؛

بولاشاق مۇعالىمدەرگە 67 200 تەڭگەدەن 75 600 تەڭگەگە دەيىن، وقۋ وزاتتارىنا – 86 940 تەڭگەگە دەيىن؛

ماگيسترانتتار ءۇشىن – 97 024 تەڭگەدەن 107 061 تەڭگەگە دەيىن، وقۋ ۇزدىگى ءۇشىن – 123 120 تەڭگەگە دەيىن؛

دوكتورانتتار – 217 500 تەڭگەدەن 240 000 تەڭگەگە دەيىن.

نازاربايەۆ ۋنيۆەرسيتەتىنىڭ ستۋدەنتتەرى مەن بولاشاق دارىگەرلەر ۇلعايتىلعان شاكىرتاقىنى الا المايدى.