"حالىقارالىق قىلمىستىق سوت ءتورايىمى لاۋازىمىنا ارىپتەس-سۋديالاردىڭ مەنى تاڭداۋى — مەن ءۇشىن زور مارتەبە. سوت ءۇشىن وسىنداي الماعايىپ كەزەڭدە تۇراقتى، ىنتىماقتاستىققا نەگىزدەلگەن جانە ءبىرتۇتاس باسشىلىق كەرەك"، – دەدى اكانە.
ول سوت ورگاندارى اراسىنداعى ديالوگتى دامىتۋعا، حقس-عا قاتىسۋشى ەلدەر جانە ريم ستاتۋتىنا قول قويماعان مەملەكەتتەرمەن ديالوگتى نىعايتۋعا نازار اۋدارۋدى جوسپارلاپ وتىرعانىن مالىمدەدى.
اپتا باسىندا توموكو اكانەنىڭ (جاپونيا) ورىنباسارلارى — روزاريو ايتالا (يتاليا) مەن رەين الاپيني-گانسۋ (بەنين) سايلاندى.
ايتا كەتسەك، 2023 جىلى ناۋرىز ايىندا حقس رەسەي پرەزيدەنتى ۆلاديمير پۋتين مەن رەسەيدىڭ بالا قۇقىقتارى جونىندەگى ۋاكىلەتتى وكىلى ماريا لۆوۆا-بەلوۆانى تۇتقىنداۋعا پارمەن بەرگەن. حالىقارالىق قىلمىستىق سوت ەكەۋىن ۋكراينانىڭ وككۋپاسيالانعان ايماعىنان حالىقتى، سونىڭ ىشىندە بالالاردى كۇشتەپ كوشىرىپ، اسكەري قىلمىس جاسادى دەپ ايىپتاعان. ارتىنشا رەسەي تەرگەۋ كوميتەتى وردەر بەرگەن پروكۋرور مەن حقس-نىڭ ءۇش سۋدياسىنا قارسى قىلمىستىق ءىس قوزعاعان. قول قويعان سۋديالاردىڭ قاتارىندا توموكو اكانە مەن روزاريو ايتالا بولعان.
ارتىنشا رەسەي تەرگەۋ كوميتەتى روزاريو ايتالاعا "كىناسىز ەكەندىگىن بىلە تۇرا، ادامدى قىلمىستىق جاۋاپكەرشىلىككە تارتۋ" جانە "پرەزيدەنتكە شابۋىلداۋعا دايىندالۋ" باپتارى بويىنشا سىرتتاي ايىپ تاققان. كەيىن حقس پروكۋرورى وعان ىزدەۋ جاريالاعان.
پىكىر قالدىرۋ