13 ناۋرىز كۇنى الماتى قالاسى، مەدەۋ اۋدانى №53 مەكتەپ-گيمنازياسىندا "ءبىرتۇتاس تاربيە" باعدارلاماسى اياسىندا “حالىق ءداستۇرى-اسىل قازىنا” تاقىرىبىنداعى تاربيەلىك ءىس-شارا ءۇش بولىمگە ءبولىنىپ وتكىزىلدى.

ءبىلىم وردامىزدا ەرەكشە قوناق، ەلىمىزدەگى كوپتەگەن جاقسى جاڭالىقتاردىڭ جارشىسى «العا پەتەربۋرگ!» ارناسىنىڭ نەگىزىن قالاۋشى، بلوگەر  – يۆان چەرۆينسكيي.

جوعارى بۋىن وقۋشىلارى مەن ۇستازدارىنىڭ ۇيىمداستىرۋىمەن ۇلتتىق مۇراعا ۇقىپتى قاراۋ، ۇلتتىق مادەنيەتتى دارىپتەۋ ماقساتىندا "وزار ەلدىڭ قىزى مىنەزدى، ۇلى ونەرلى"  تاقىرىبىندا ءبىرىنشى ءبولىم كورسەتىلىپ، حالقىمىزدىڭ ءبيى مەن كۇيى، ايتىس ونەرى، قىزداردىڭ شاش ورۋىنەن كورىنىس تاماشالاندى.

 5-7 سىنىپ وقۋشىلارىمەن سىنىپ جەتەكشىلەرى "تۋعاندا دۇنيە ەسىگىن اشادى ولەڭ..." تاقىرىبىندا تاربيە ساعاتىن وتكىزدى. بۇل ءىس- شارادا حالقىمىزدىڭ  ۇمىت بولىپ بارا جاتقان سالت-داستۇرلەرىن، اتاپ ايتساق: ءسۇيىنشى سۇراۋ، ات قويۋ ، باتا بەرۋ، جاراپازان ايتۋ، بەسىككە سالۋ، تۇساۋ كەسۋ داستۇرلەرى كورسەتىلدى.

باستاۋىش سىنىپ وقۋشىلارى مەن ۇستازدارىنىڭ قاتىسۋىمەن "ۇلتتىق ءسالت-داستۇر-ۇرپاققا مۇرا" اتتى تاربيە ساعاتىن وتكىزدى. بۇل ءىس-شارانىڭ ەرەكشەلىگى،  «دانالىق» مەكتەبىنىڭ وكىلدەرى بەلسەندىلىك تانىتۋىمەن ءوربىپ، اتالار ەر بالالارعا ات ابزەلدەرىن تانىستىرسا، اجەلەر قىزدارمەن ۇرشىق ءيىرۋ، ويۋ ويىپ، كەستە تىگۋ  ونەرلەرىنىڭ قىر-سىرىمەن ءبولىستى.

وسكەلەڭ ۇرپاققا تاربيەلىك ءمانى ماڭىزدى «حالىق ءداستۇرى-اسىل قازىنا» ءىس - شاراسى  جوعارى دەڭگەيدە وتكىزىلىپ، كەلگەن قوناقتار وڭ ىقىلاستارىن ءبىلدىردى.