گەرمانيادا جوعالىپ كەتكەن استانا قالاسى سارىارقا اۋدانىنىڭ ەكس-سۋدياسى ايگۇل سايلىبايەۆانىڭ دەنەسى تابىلدى. اقپاراتتى سىرتقى ىستەر مينيسترلىگىنىڭ باسپا ءسوز قىزمەتى راستادى.
"گەرمانيا قىلمىستىق پوليسياسىنىڭ قازاقستان رەسپۋبليكاسىنىڭ فرانكفۋرتتاعى باس كونسۋلدىعىنا بەرگەن اقپاراتىنا سايكەس، 16 ماۋسىمدا بەنسحايم قالاسىنىڭ ماڭىندا ايەلدىڭ ءمايىتى تابىلدى. پوليسيانىڭ الدىن الا بەرگەن اۋىزشا اقپاراتىنا سايكەس، سىرتقى بەلگىلەرى بويىنشا ءمايىت ق ر ازاماتى ايگۇل سايلىبايەۆا دەپ تانىلدى" — دەلىنگەن ءسىم حابارلاماسىندا.
ايتا كەتەيىك، ايگۇل سايلىبايەۆانىڭ دەنەسى بەنسحايم قالاسىنىڭ شەتىنەن تابىلعان. مايىتتەن زورلىق-زومبىلىق بەلگىلەرى انىقتالعان. قازىرگى ۋاقىتتا بولعان جاعدايعا قاتىستى 35 تەرگەۋشى جۇمىس ىستەپ جاتىر.
پىكىر قالدىرۋ