ەڭبەك جانە حالىقتى الەۋمەتتىك قورعاۋ مينيسترلىگى 8 جاڭا كاسىبي مەرەكەنى بەكىتۋدى جوسپارلاپ وتىر. 

ۆەدومستۆو باسشىسى بۇيرىعىنىڭ ءتيىستى جوباسى دايىندالىپ، «اشىق نقا» پورتالىندا ورنالاستىرىلدى. 

اتاپ ايتقاندا، كاسىبي مەرەكەلەردىڭ تىزبەسىن مىنا ايتۋلى كۇندەرمەن تولىقتىرۋ كوزدەلەدى:

- مەملەكەتتىك قىزمەت كورسەتۋ سالاسىنداعى قىزمەتكەرلەر كۇنى – 7 ءساۋىر؛

- تۇرعىن ۇي-كوممۋنالدىق شارۋاشىلىعى سالاسىنىڭ قىزمەتكەرلەرى كۇنى – 16 ءساۋىر؛

- مەترولوگيا قىزمەتكەرلەرىنىڭ كۇنى – 20 مامىر؛

- ۆەتەريناريالىق قىزمەتكەر كۇنى – 10 شىلدە؛

- اڭشىلىق شارۋاشىلىعى قىزمەتكەرىنىڭ كۇنى – قىركۇيەكتىڭ ءبىرىنشى سەنبىسى؛

- قازاقستان رەسپۋبليكاسىنىڭ جوعارى ءبىلىم بەرۋ قىزمەتكەرلەرى كۇنى – 1 قازان؛

- ستاندارتتاۋ قىزمەتكەرلەرىنىڭ كۇنى – 14 قازان؛

- سىبايلاس جەمقورلىققا قارسى قىزمەت ورگاندارىنىڭ كۇنى – 18 قاراشا.

جاڭا كاسىبي مەرەكەلەردى ەنگىزۋ تۋرالى ۇسىنىستارعا ءتيىستى قىزمەت سالالارىنىڭ ۋاكىلەتتى مەملەكەتتىك ورگاندارى باستاما جاسادى.