ەلدە مامىر ايىندا 137،9 مىڭ كولىك قۇرالى ەسەپكە قويىلعان، بۇل بىلتىرعى سايكەس كەزەڭمەن سالىستىرعاندا 14،4%-عا تومەن. بۇل تۋرالى ۇلتتىق ستاتيستيكا بيۋروسى ءمالىم ەتتى.
1 ماۋسىمداعى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 5 ملن 473 مىڭنان اسقان. ونىڭ 88% – جەڭىل اۆتوموبيلدەر، 9،9% – جۇك جانە 2،1% – اۆتوبۋستار.
"كولىكتەردىڭ باسىم كوپشىلىگى، اتاپ ايتقاندا 81،9%، بەنزينمەن جۇرەدى، تاعى 7،1% ديزەلمەن جۇرەدى. ەكولوگيالىق ارتىقشىلىقتارعا قاراماستان، اۆتوموبيلدەردىڭ تەك 0،2%-ى گازبەن، تاعى سونشاسى ەلەكتر قۋاتىمەن جۇمىس ىستەيدى. بەنزين مەن باسقا وتىن تۇرىمەن ارالاس اۆتوموبيلدەردىڭ ۇلەسى – 7،5%. سونىمەن قاتار وتكەن جىلدىڭ سايكەس كەزەڭىمەن سالىستىرعاندا ەلەكتر قۋاتىمەن جۇرەتىن جەڭىل اۆتوموبيلدەر سانى 3229-دان 9906 بىرلىككە دەيىن 3،1 ەسە ءوستى. ەلەكتروموبيلدەردىڭ ەڭ كوپ سانى الماتى ق. – 5809 بىرلىك، استانا ق. – 1252 بىرلىك جانە الماتى وبلىسىندا – 466 بىرلىك" دەلىنگەن بيۋرو حابارلاماسىندا.
پىكىر قالدىرۋ