قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى ءانشى قايرات پريمبەردييەۆتى قاماۋعا الىپ، ونىڭ ەلدەن شىعۋىنا تىيىم سالدى. 

ونەر يەسى «ۇلتارالىق ارازدىقتى قوزدىرۋعا» باعىتتالعان مالىمدەمە جاساعانى ءۇشىن ۇستالعان.

قازىرگى ۋاقىتتا ءتيىستى تەرگەۋ جانە پروسەسسۋالدىق شارالار ءجۇرىپ جاتىر. قىرعىزستان زاڭناماسىنا سايكەس، «ۇلتارالىق، ءدىني نەمەسە ايماقارالىق ارازدىقتى قوزدىرۋعا باعىتتالعان ارەكەتتەر» ءۇشىن 10 جىلعا دەيىن باس بوستاندىعىنان ايىرۋ جازاسى قاراستىرىلعان.

ەسكە سالا كەتەيىك، قايرات پريمبەردييەۆ «Airan» YouTube-ارناسىنا بەرگەن سۇحباتىندا كەنەسارى حاننىڭ باسىن الۋ وقيعاسىن قوزعاپ، وسى جاعداي ءۇشىن قازاق حالقىنان ءوز اتىنان كەشىرىم سۇراعان ەدى. كەيىننەن قىرعىزستاننىڭ مادەنيەت ۆيسە-مينيسترى مارات تاعايەۆ بۇل جاعدايعا قاتىستى پىكىر ءبىلدىرىپ، قىرعىزدار ءوز جەرىن قورعاعان ورمون حاننىڭ ارەكەتى ءۇشىن كەشىرىم سۇراماۋى كەرەك ەكەندىگىن مالىمدەدى.