قازاقستاندىقتارعا بەرىلەتىن 10 سوتتىق تەگىن جەر ەندى تەك ينفراقۇرىلىم تارتىلعان ايماقتاردان عانا ۇلەستىرىلەدى. وسىلايشا سۋ مەن جارىق كەلمەگەن جەرلەرگە ءۇي سالۋعا رۇقسات جوق.

مالىمەتتەرگە سەنسەك، جەكە تۇرعىن ءۇي قۇرىلىسىنا ارنالعان جەرلەر سۋ قۇبىرى مەن ەلەكتر جەلىسى تارتىلعان اۋماقتاردان عانا بەرىلەدى. 

بۇعان دەيىن مۇنداي تالاپ بولعان جوق. سايكەسىنشە، 4 ميلليوننان استام قازاقستاندىق ءوزى قالاعان ايماقتان جەر بەلگىلەپ، ءوتىنىش بەرگەن. ەندى ولاردىڭ كورسەتكەن اۋماعىندا ءدال وسى جەلىلەر تارتىلماسا، كەزەك جىلجي بەرمەك. اتالعان اۋىل، اۋداندا مىندەتتى تۇردە سۋ مەن جارىق بولۋى كەرەك.

اۋىل شارۋاشىلىعى مينيسترلىگىنىڭ دەرەگىنشە، بۇرىنعى كەزەكتە تۇرعان ازاماتتاردىڭ كەزەگى ساقتالادى. قايتا ءوتىنىش بەرۋدى قاجەت ەتپەيدى. كەزەكتە تۇرعانداردىڭ ءتىزىمى جەرگىلىكتى اتقارۋشى ورگاننىڭ اۆتوماتتاندىرىلعان جۇمىس ورنىندا، ارنايى ەسەپكە قويىلۋىنا قاراي قالىپتاستىرىلادى.

سونىمەن قاتار ەرەجەدە جەر ءوتىنىش ارنايى ەسەپكە قويىلعاننان كەيىن بەرىلەدى دەلىنگەن. ال ارنايى ەسەپتى جەرگىلىكتى اتقارۋشى ورگاندار جۇرگىزەدى. ەگەر ايماق ءۇي سالۋ ماقساتىندا پايدالانىلماسا، جەر تەلىمى مەملەكەت مەنشىگىنە قايتارىلادى. ايتا كەتەيىك، جاڭا تالاپتاردىڭ وزگەرۋى ازاماتتارعا جەر كەزەكسىز بەرىلمەۋى ءۇشىن جاسالىپ وتىر.