قوسىمشا قۇن سالىعى وسسە، ەلدە تاۋارلار قانشا تەڭگەگە قىمباتتايتىنى بەلگىلى بولدى.
- سالىق تۇسىمدەرىنىڭ ءوسۋى جىل سايىن 4-5 ترلن تەڭگەنى قۇرايدى دەپ كۇتەمىز، - دەدى ۇكىمەت وتىرىسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين.
جۇمانعارين اتاعانداي، بۇل قاراجات ۇلتتىق قورعا تاۋەلدىلىكتى ازايتۋعا، مەملەكەتتىك بورىش دەڭگەيىن تومەندەتۋگە، قوسىمشا رەسۋرستاردى ينفراقۇرىلىمدى، اگروونەركاسىپتىك كەشەندى، وڭدەۋ ونەركاسىبىن جانە قورعانىستى دامىتۋعا كومەكتەسەدى.
سالىقتى كوتەرۋدىڭ ىقتيمال ينفلياسيالىق اسەرى قىسقا مەرزىمدى بولاتىنىن جانە ءبىر جىل ىشىندە اياقتالاتىنىن اتاپ ءوتۋ قاجەت. قوسىمشا ينفلياسيا 3% كولەمدە كۇتىلەدى، - دەدى ول.
باسقا ەلدەردىڭ تاجىريبەسى كورسەتكەندەي، ققس وسكەننەن كەيىن ورتالىق بانكتەر كوبىنە پايىزدىق مولشەرلەمەلەردى تومەندەتەدى، بۇل ەكونوميكالىق تۇراقتاندىرۋعا ىقپال ەتەدى.
- ءبىز سالىق رەفورماسى — ءاربىر كاسىپكەر مەن ازاماتتى تولعاندىراتىن ماسەلە ەكەنىن تۇسىنەمىز. سوندىقتان بارلىق جۇمىس اشىق تۇردە ساراپشىلارمەن بىرگە جۇرگىزىلىپ كەلەدى. مەملەكەت باسشىسىنىڭ تاپسىرماسى بويىنشا بۇگىننەن باستاپ وڭىرلەردەگى بيزنەس-قاۋىمداستىقتارمەن بىرگە ۇكىمەتتىڭ باستامالارىن تالقىلايتىن التى جۇمىس توبىنىڭ جۇمىسى باستالادى. جۇمىس توبى جولعا شىقتى. بارلىق ۇسىنىستاردى تىڭدايمىز جانە ديالوگقا دايىنبىز، - دەپ ايتتى جۇمانعارين.
پىكىر قالدىرۋ