اعىمداعى جىلدىڭ 6 اقپانى كۇنى تۇركى مادەنيەتى جانە مۇراسى قورىنىڭ ۇيىمداستىرۋىمەن جانە تۇركى اكادەمياسىنىڭ قولداۋىمەن اكادەميك دارحان ءقىدىرالىنىڭ «تاسقا جازىلعان تاريح» اتتى كىتابىنىڭ ازەربايجان، تۇرىك جانە قىرعىز تىلدەرىندەگى باسىلىمدارىنىڭ، سونىمەن قاتار ورىس تىلىندە جارىق كورگەن «تيۋركسكيي مير: چەرەز پريزمۋ يستوريي»، تۇرىك تىلىندە شىققان «Kod adı Türkistan: Mustafa Çokay» دەرەكتى-عۇمىرنامالىق كىتاپتارىنىڭ تۇساۋكەسەر ءراسىمى ءوتتى.

استانا قالاسىنداعى قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا وتكەن القالى جيىنعا تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا، ازەربايجان رەسپۋبليكاسىنىڭ مادەنيەت ءمينيسترى اديل كاريملي، قىرعىز رەسپۋبليكاسى پرەزيدەنتىنىڭ كەڭەسشىسى اسلان كويچييەۆ، قازاقستان رەسپۋبليكاسى پرەزيدەنتىنىڭ كەڭەسشىسى باۋىرجان وماروۆ، ازيا كەڭەسىنىڭ باس حاتشىسى قايرات سارىباي، قىرعىزستان، ماجارستان، تۇركيا، تۇرىكمەنستان، وزبەكستان رەسپۋبليكالارىنىڭ توتەنشە جانە وكىلەتتى ەلشىلەرى، ق ر پرەزيدەنتى اكىمشىلىگىنىڭ، سىرتقى ىستەر مينيسترلىگىنىڭ، عىلىم جانە جوعارعى ءبىلىم مينيسترلىگىنىڭ، مادەنيەت جانە اقپارات مينيسترلىگىنىڭ، TURKSOY حالىقارالىق ۇيىمىنىڭ وكىلدەرى، ق ر پارلامەنتى سەناتى مەن ءماجىلىسىنىڭ ءبىرقاتار دەپۋتاتتارى، مەملەكەت جانە قوعام قايراتكەرلەرى، عالىمدار مەن زيالى قاۋىم وكىلدەرى قاتىستى.

جيىندا كىرىسپە سوزىمەن اشقان تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا اكادەميك دارحان قۋاندىق ۇلىنىڭ تۇركى دۇنيەسىنە ورتاق باي مۇرانى زەرتتەپ-زەردەلەۋ، ساقتاۋ ىستەرىنە جانە باۋىرلاستىق بايلانىستاردى نىعايتۋعا قوسقان زور ۇلەسىنە توقتالدى.

سونىمەن بىرگە باسقوسۋدا ءسوز العان مەملەكەت جانە قوعام قايراتكەرى مىرزاتاي جولداسبەكوۆ، ازەربايجان رەسپۋبليكاسىنىڭ مادەنيەت ءمينيسترى اديل كاريملي، قىرعىز رەسپۋبليكاسى پرەزيدەنتىنىڭ كەڭەسشىسى اسلان كويچييەۆ، ازيا كەڭەسىنىڭ باس حاتشىسى قايرات سارىباي، مەملەكەت جانە قوعام قايراتكەرى ءادىل احمەتوۆ، قازاقستان رەسپۋبليكاسى پرەزيدەنتىنىڭ كەڭەسشىسى باۋىرجان وماروۆ، ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ، تۇركسوي ۇيىمى باس حاتشىسىنىڭ قازاقستانداعى كەڭەسشىسى، اكادەميك كارىمبەك قۇرمانالييەۆ، نازاربايەۆ ۋنيۆەرسيتەتىنىڭ پروفەسسورى يۋلاي شاميلوعلۋ، بەلگىلى باسپاگەر شىڭعىس مۇقان وقىرمانعا جول تارتقان جاڭا كىتاپتار تۋرالى ورامدى ويلارىن ورتاعا سالىپ، پايىمدى پىكىرلەرىمەن ءبولىستى.

تۇركى مادەنيەتى جانە مۇراسى قورى جارىققا شىعارعان اكادەميك د.ءقىدىرالىنىڭ «Daşa yazılan tariح» (ازەربايجان تىلىندە) كىتابىنا اۆتوردىڭ بايىرعى ءباھادۇر بابالار تاريحىنىڭ تەرەڭىنەن سىر تارتاتىن، جالپى تۇركولوگياداعى الۋان تاقىرىپتى ارقاۋ ەتكەن عىلىمي جانە عىلىمي-تانىمدىق ماقالالارى توپتاستىرىلعان.

وسى كىتاپتىڭ قىرعىز تىلىندەگى باسىلىمى سانالاتىن «تاشكا جازىلگان تارىح» كىتابى دا ءتۇبىر ءبىر تۇركى جۇرتىنىڭ تاريحىن قازىرگى زامان تۇرعىسىنان زەردەلەپ، تۇعىرلى تۇلعالارىمىزدى جان-جاقتى تاني تۇسۋگە جول اشاتىن، عىلىمي جاڭالىعى مول ەڭبەك. ايتا كەتۋ كەرەك، بۇل باسىلىم قىرعىز رەسپۋبليكاسى پرەزيدەنتى جانىنداعى تاريح عىلىمىن دامىتۋ كوميسسياسىنىڭ شەشىمىمەن باسىلىپ شىققان العاشقى كىتاپ.

سونىمەن قاتار، ەڭبەكتىڭ تۇركى اكادەمياسى جانە تۇركسوي حالىقارالىق ۇيىمىنىڭ قولداۋىمەن «Büyük Bozkır: Taşlara Yazılan Tarih» دەگەن اتپەن جارىق كورگەن تۇرىك تىلىندەگى نۇسقاسى دا كيەلى ەرگەنەقون، وتۇكەن جەرلەرىنەن تامىر تارتاتىن اشينا داۋىرىنەن باستاپ، التىن وردا زامانىنا دەيىنگى ورتاق تاريحىمىزدى قامتىعان باي مازمۇنىمەن ەرەكشەلەنەدى.

بۇعان قوسا، وقىرمان نازارىنا «مازمۇنداما» باسپاسى شىعارىپ ۇسىنىپ وتىرعان «تيۋركسكيي مير: چەرەز پريزمۋ يستوريي» اتتى كىتابى ورىس ءتىلدى وقىرمانعا تۇركى تاريحى مەن تۇلعالارى تۋرالى تانىم-تۇسىنىكتەرىن ايقىنداي تۇسۋىنە مۇمكىندىك بەرەتىنىمەن ماڭىزدى.

اكادەميك د.ءقىدىرالىنىڭ اتالعان جيىندا تانىستىرىلعان «Kod adı Türkistan: Mustafa Çokay» اتتى دەرەكتى عۇمىرباياندىق كىتابى بۇعان دەيىن دە بىرنەشە تىلدە جارىق كورىپ، وقىرمان تاراپىنان ءوز باعاسىن العان تۋىندى. بۇل جولى تۇرىك وقىرمانداردىڭ سۇرانىسىمەن انكاراداعى «Bengü» باسپاسىنان قايتا باسىلىپ شىعىپ وتىر.