پرەمەر-مينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ زاڭ جوباسىن تانىستىردى.
- زاڭ جوباسى بيۋدجەت كودەكسىنىڭ ەرەجەلەرى نەگىزىندە ازىرلەندى. بۇل رەتتە كەپىلدەندىرىلگەن ترانسفەرتتىڭ مولشەرى بيۋدجەتتىڭ قاعيدالارىنا سايكەس انىقتالعان. زاڭ جوباسىندا مۇنايدىڭ كەسىمدى باعاسى 2025 جىلى باررەلىنە 42،3 اقش دوللارى، 2026-2027 جىلدارى باررەلىنە 41 جانە 39،4 اقش دوللارى نەگىزىندە بەلگىلەنگەن. وسىنى ەسكەرە وتىرىپ ۇلتتىق قوردان كەپىلدەندىرىلگەن ترانسفەرتتىڭ مولشەرى 2025-2027 جىلدارعا جىل سايىن 2 ترلن تەڭگە كولەمىندە ايقىندالدى، - دەدى ۇكىمەت مۇشەسى.
بايبازاروۆ جوسپارلى كەزەڭدە ۇلتتىق قوردىڭ تازا ۆاليۋتالىق اكتيۆتەرى بولجام بويىنشا، 2025 جىلى 62،2 ملرد اقش دوللارى، 2026-2027 جىلدارى 69،9 جانە 78،7 اقش دوللارى بولاتىنىن اتاپ ءوتتى.
ونىڭ سوزىنشە، زاڭ جوباسىن قابىلداۋ رەسپۋبليكالىق بيۋدجەتتىڭ تەڭگەرىمدىگىن قامتاماسىز ەتۋگە مۇمكىندىك بەرەدى.
زاڭدى تالقىلاپ بولعاننان كەيىن 90 دەپۋتات زاڭدى قابىلداۋعا وڭ داۋىس بەردى، 1 دەپۋتات قارسى، 2 دەپۋتات قالىس قالدى.
پىكىر قالدىرۋ