2024 جىلدىڭ 17 جەلتوقسانىنان 2025 جىلدىڭ 12 قاڭتارىنا دەيىن الماتى سيركىندە «قار پاتشايىمى» اتتى جاڭاجىلدىق ەرتەگى قويىلىمى كورسەتىلدى.
قازاق مەملەكەتتىك سيركىنىڭ رەجيسسەرلىك-قويىلىم توبى سىزدەردىڭ نازارلارىڭىزعا كونە ەرتەگىنىڭ جاڭا نۇسقاداعى بىرەگەي قويىلىمىن كىشكەنتاي كورەرمەندەرگە ۇسىندى. سەرپىندى جانە قىزىقتى ەرتەگى وقيعاسى قازىرگى زامانعى ينتەرپرەتاسيادا سيرك تىلىمەن كورەرمەنگە جول تارتادى، بارلىعىمىزعا بەلگىلى كايا مەن گەردا كەيىپكەرلەرىنىڭ ورنىنا شىتىرمان وقيعالاردان دجونيك پەن كاميللا وتەدى. سيقىرشىلار – كۇلكى قورعاۋشىسى، كوكتەم، جاز، كۇز باستى كەيىپكەرلەرگە قار پاتشايىمىنىڭ مۇزدى جۇرەگىن ەرىتۋگە كومەكتەسەدى. ول پلانەتانىڭ بارلىق بالالارىنىڭ ەڭ قىسقى، ەڭ قارلى جانە ەڭ سۇيىكتى مەرەكەسى – جاڭا جىلدىڭ قوجايىنى ەكەندىگىن مىندەتتى تۇردە ەسىنە ءتۇسىرۋى ءتيىس.
«باستى كەيىپكەرلەر دجونيك پەن كاميللا ءبىزدىڭ كورەرمەندەرگە ۇناعانى سونشالىقتى – تاعى دا جاڭا جىلدىق قويىلىمنىڭ كەيىپكەرلەرى اتاندى. بالالىق شاعىمىزدا سيقىرلى تاياقشامەن ەرتەگىلەر الەمىنە تاپ بولىپ، ءاربىرىمىزدىڭ قيالدايتىن كەزدى ەسكە تۇسىرەدى»، - دەيدى قازاق مەملەكەتتىك سيركىنىڭ باس قويۋشى رەجيسسەرى مارينا رەدكو.
«باعدارلاما ءۇشىن ارنايى جاڭا سيرك نومىرلەرى، ەكسكليۋزيۆتى كوستيۋمدەر، سيرك رەكۆيزيتتەرى جاسالۋدا، كورەرمەندەردى ەرتەگى سيۋجەتىنە باۋراپ الاتىن ينتەراكتيۆتى ۇلكەن لازەرلىك شوۋ بولادى»، - دەدى قازاق مەملەكەتتىك سيركىنىڭ ديرەكتورى ماقسات جايكوۆ.
مەرەكەلىك باعدارلاماعا يۋ.نيكۋلين اتىنداعى ماسكەۋ سيركىنىڭ ارتىستەرى وزدەرىنىڭ كەرەمەت ۇيرەتىلگەن جانۋارلارىمەن، كورەرمەندەردى كۇلكىگە قارىق قىلاتىن كۇن شۋاقتى يسپانيادان كەلگەن كلوۋن، الماتى سيركىنىڭ ۇزدىك ارتىستەرى – حالىقارالىق سيرك ونەر فەستيۆالىنىڭ جەڭىمپازدارى مەن لاۋرەاتتارى: اۋە گيمناستتارى، ەكۆيليبريستەر، اكروباتتار، «نوماد» كاسكادەرلەرى قاتىسادى.
17 جەلتوقساندا ساعات 12:00-دە قازاقستان رەسپۋبليكاسىنىڭ تاۋەلسىزدىك كۇنىنە وراي «قار پاتشايىمى» جاڭا جىلدىق ەرتەگىسىنىڭ تۇساۋكەسەرى وتەدى. قويىلىم قالالىق ءماسليحات دەپۋتاتتارىمەن بىرلەسىپ، حالىقتىڭ از قامتىلعان جانە كوپبالالى وتباسىلاردىڭ بالالارىنا، ارداگەرلەرگە، قارتتارعا ارنالادى.
پىكىر قالدىرۋ