پەتروپاۆلدىق ەر ادام كولىگىن 5 مينۋتتان ارتىق قىزدىرىپ، ايىپپۇل تولەۋگە ءماجبۇر بولدى. ەر ادامدى پوليسياعا كورشىلەرى ۇستاپ بەرگەن.

الەۋمەتتىك جەلىلەردە تاراعان مالىمەت بويىنشا، كورشىلەرىنىڭ ءبىرى ونىڭ ارەكەتىنە نارازى بولىپ، "102" نومىرىنە قوڭىراۋ شالىپ، پوليسيا شاقىرعان. سونىڭ ناتيجەسىندە كولىك يەسىنە 5 اەك (19 660 تەڭگە) ايىپپۇل سالىنعان. بۇل جاعداي ءوڭىر تۇرعىندارىنىڭ اراسىندا قىزۋ تالقىعا ءتۇستى. ولار مۇنداي ايىپپۇلدىڭ ادىلەتسىز ەكەنىن ايتادى. سەبەبى اۋا تەمپەراتۋراسى كەيدە -40 گرادۋسقا دەيىن تومەندەيتىن ايماقتا كولىكتى 5 مينۋتتا جىلىتۋ مۇمكىن ەمەس دەيدى. بۇل تۇرعىدا ءوڭىردىڭ كليماتتىق ەرەكشەلىكتەرى ەسكەرىلمەگەنى سىنعا قالدى.

ىشكى ىستەر دەپارتامەنتى بۇل تالاپتىڭ جاڭالىق ەمەس ەكەنىن، جول ءجۇرىسى قاعيدالارىنىڭ 20 جىلدان بەرى بار بولىگى ەكەنىن ءتۇسىندىردى. ولاردىڭ مالىمەتىنشە، ەگەر كولىك قوزعالتقىشى قوسۋلى كۇيدە 5 مينۋتتان ارتىق تۇرسا جانە بۇل تۇرعىندارعا قولايسىزدىق تۋدىرسا، كولىك يەسىنە اكiمشiلiك قۇقىق بۇزۋشىلىق تۋرالى 597-بابىنىڭ 1-بولىگى “كولiك قۇرالدارىن توقتاتۋ نەمەسە توقتاپ تۇرۋ قاعيدالارىن بۇزۋ” بويىنشا ايىپپۇل سالىنادى.

سولتۇستىك قازاقستان وبلىسىنىڭ پوليسيا دەپارتامەنتى مۇنداي ايىپپۇلداردىڭ جاپپاي سالىنبايتىنىن، تەك تۇرعىنداردان شاعىم ءتۇسىپ، جەتكىلىكتى دالەلدەر بولعان جاعدايدا عانا شارا قولدانىلاتىنىن ايتتى. ەر ادام كورشىلەرىن وسىلاي "كومەك بەرگەنى" ءۇشىن كەكەتىپ، العىس بىلدىرگەن.