الماتىدا «مەملەكەتتىك ساتىپ الۋ تۋرالى» جاڭا زاڭعا ارنالعان دوڭگەلەك ۇستەل ءوتتى. شاراعا ق ر قارجى ۆيسە-مينيسترى داۋرەن كەڭبەيل، مەملەكەتتىك ورگانداردىڭ، كاسىپكەرلەر پالاتاسىنىڭ، بيزنەس-قاۋىمداستىقتىڭ وكىلدەرى جانە قالالىق ءماسليحات دەپۋتاتتارى قاتىستى.

دوڭگەلەك ۇستەلگە قاتىسۋشىلار 2025 جىلدىڭ 1 قاڭتارىنان باستاپ كۇشىنە ەنگەن «مەملەكەتتىك ساتىپ الۋ تۋرالى» زاڭنىڭ نەگىزگى تارماقتارىن تالقىلادى. د. كەڭبەيل زاڭنىڭ ءتيىمدى تۇستارى مەن ونىڭ العاشقى ناتيجەلەرىنە توقتالدى. وسىلايشا، ەندى ساتىپ الۋلاردىڭ جەڭىمپازدارى 10 جۇمىس كۇنى ىشىندە انىقتالادى، ال رەيتينگتىك-باللدىق جۇيە بويىنشا كونكۋرستار نەبارى 5 جۇمىس كۇنى ىشىندە وتەدى. بۇل رەتتە جەرگىلىكتى جەتكىزۋشىلەر ءۇشىن شارتتى جەڭىلدىكتەر 1-دەن 2%-عا دەيىن ۇلعايتىلدى.

ۆيسە-مينيستردىڭ ايتۋىنشا، ءقازىردىڭ وزىندە الەۋمەتتىك ماڭىزى بار نىساندار بويىنشا كەلىسىم-شارتتار جاسالىپ، جەڭىمپازداردىڭ باسىم بولىگى بولىپ جەرگىلىكتى كومپانيالار انىقتالعان. اعىمداعى جىلدىڭ ءبىر جارىم ايىندا جالپى قۇنى 1،3 تريلليون تەڭگەدەن اساتىن 330 مىڭ كەلىسىمشارت جاسالسا، وتكەن جىلى وسى كەزەڭدە 339 ميلليارد تەڭگەگە كەلىسىمشارت جاسالعان.

قاتىسۋشىلار جاڭا زاڭنىڭ بيزنەس-كليماتقا وڭ ىقپالىن، ساتىپ الىناتىن تاۋارلاردىڭ ساپاسىن ارتتىرىپ، وتاندىق تاۋار وندىرۋشىلەردى قولداۋعا باعىتتالعانىن اتاپ ءوتتى.

قارجى ۆيسە-مينيسترى داۋرەن كەڭبەيل : «ءبىزدىڭ مينيسترلىك مەملەكەتتىك ساتىپ الۋدىڭ بارىنشا اشىق جۇيەسىن قۇرۋعا ۇمتىلا وتىرىپ، بيزنەس پەن مەملەكەتتىك ورگانداردىڭ ۇسىنىستارىنا ءارقاشان اشىق»، - دەپ اتاپ ءوتتى.