بۇگىن - كومپوزيتور، ديريجەر، قازاقستاننىڭ ەڭبەك سىڭىرگەن ونەر قايراتكەرى، حالىق قاھارمانى نۇرعيسا تىلەندييەۆتىڭ تۋعانىنا 100 جىل تولدى. قازاقتىڭ ءبىرتۋار پەرزەنتى - 1925 جىلى 1 ءساۋىر كۇنى الماتى وبلىسى ىلە اۋدانىندا دۇنيەگە كەلگەن. نۇرعيسا تىلەندييەۆ قازاقتىڭ ۇلتتىق ونەرى مەن مادەنيەتىندە وشپەس ءىز قالدىردى. كوزى تىرىسىندە حالىق اندەرى مەن كۇيلەرىن وركەسترمەن ورىنداۋدىڭ ۇلگىسىن جاساعان.

داۋلەسكەر كۇيشى «وتىرار سازى» فولكلورلىق-ەتنوگرافيالىق وركەسترىنىڭ نەگىزىن قالادى. كۇي قۇدىرەتىن جۇرەككە جەتكىزگەن كومپوزيتور 400-گە تارتا ءان مەن رومانستىڭ اۆتورى. 50-دەن استام درامالىق قويىلىمعا، 19 كوركەم فيلمگە، 17 مۋلتيپليكاسيالىق، 14 دەرەكتى-حرونيكالىق فيلمدەرگە مۋزىكا جازعان. ارتىندا وشپەس ءىز قالدىرعان دارا تۇلعا وسىلاي قازاق ونەرىن الەمگە ايگىلەپ، ەسىمى تاريحتا قالدى.