ارابشا جازۋ جازىلعان قازاقستان تۋىمەن سۋرەتكە ءتۇسىپ، ونى الەۋمەتتىك جەلى ارقىلى تاراتقان 3 تۇرعىن اكىمشىلىك جاۋاپكەرشىلىككە تارتىلدى.

اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا قازاقستان رەسپۋبليكاسىنىڭ اقبتكنىڭ  434-بابىنىڭ 1-بولىگى بويىنشا قۇقىق بۇزۋشىلار ن.، ا.، ح.-عا قاتىستى اكىمشىلىك قۇقىق بۇزۋشىلىق تۋرالى ىستەر قارالدى.

2025 جىلعى 23 ناۋرىزدا ازاماتشالار ن.، ا. جانە كامەلەتكە تولماعان ح. اتىراۋ قالاسىنداعى مۇز ايدىنى عيماراتىندا اراب تىلىندەگى جازۋى بار قازاقستان رەسپۋبليكاسىنىڭ تۋىمەن سۋرەتكە ءتۇسىپ، ونى الەۋمەتتىك جەلى ارقىلى تاراتىپ، ۇساق بۇزاقىلىق جاساعان، - دەلىنگەن جازبادا.

قۇقىق بۇزۋشىلاردىڭ اكىمشىلىك قۇقىق بۇزۋشىلىق جاساۋداعى كىناسى اكىمشىلىك قۇقىق بۇزۋىشىلىق تۋرالى حاتتامامەن، فوتوسۋرەتپەن، باياناتپەن جانە باسقا دا ءىس ماتەريالدارىمەن تولىق دالەلدەندى.

اقبتك-نىڭ 434-بابىنىڭ 1-بولىگىنىڭ سانكسياسىندا 20 ايلىق ەسەپتiك كورسەتكiش مولشەرiندە ايىپپۇل سالۋ نە 5-تەن 15 ءتاۋلiككە دەيiنگi مەرزiمگە اكiمشiلiك قاماققا الۋ تۇرىندەگى اكىمشىلىك جاۋاپتىلىق كوزدەلگەن.

سوت قاۋلىسىمەن قۇقىق بۇزۋشىلار اقبتك-نىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىق جاساعاندارى ءۇشىن كىنالى دەپ تانىلدى.

ن.-عا جاۋاپتىلىعىن اۋىرلاتاتىن ءمان-جايدى ەسكەرە وتىرىپ (كامەلەتكە تولماعان ادامدى اكiمشiلiك قۇقىق بۇزۋشىلىققا تارتۋ؛ ادامدار توبىنىڭ اكiمشiلiك قۇقىق بۇزۋشىلىق جاساۋى)، 15 تاۋلىككە اكىمشىلىك قاماققا الۋ تۇرىندەگى اكىمشىلىك جازا قولدانىلدى.

ا.-عا اكىمشىلىك جازا رەتىندە 78 640 تەڭگە اكىمشىلىك ايىپپۇل سالىندى.

كامەلەتكە تولماعان ح.-نىڭ زاڭدى وكىلىنە اكىمشىلىك جازا رەتىندە 39 320 تەڭگە اكىمشىلىك ايىپپۇل سالىندى.

سوت قاۋلىلارى زاڭدى كۇشىنە ەنگەن جوق.