ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ جەكە كۋالىكتى اۋىستىرۋ ءساۋىر ايىنىڭ سوڭىنا دەيىن ونلاين-فورماتقا اۋىستىرىلاتىنىن مالىمدەدى.

ونىڭ ايتۋىنشا، ماماندار ازاماتتىڭ فوتوسۋرەتىن سايكەستىككە باعالايتىن AI مودەلىن ءساتتى سىناقتان وتكىزدى. بولاشاقتا ازاماتتارعا جەكە كۋالىك الۋ ءۇشىن تەك eGove پلاتفورماسىندا سايكەستەندىرۋدەن ءوتۋ، فوتو مەن قولتاڭبانى جۇكتەۋ، ونلاين تولەم جاساۋ جانە قۇجاتتىڭ دايىندىعى تۋرالى SMS كۇتۋ قاجەت بولادى.

"2024 جىلى حقكو وپەراتورلارى 15،2 ملن قىزمەت كورسەتتى. بۇل رەتتە وتىنىشتەردىڭ 80%-ى ون قىزمەتكە تيەسىلى. ءبىز مەملەكەتتىك ورگاندارمەن بىرلەسىپ، بۇل قىزمەتتەردى اۆتوماتتاندىرۋ جانە بالاماسىز، تەك ونلاين فورماتقا كوشىرۋ بويىنشا جول كارتاسىن ازىرلەدىك. ءبىرىنشى كەزەڭدە: جەكە كۋالىكتى اۋىستىرۋ، ەلەكتروندى سيفرلىق قولتاڭبا بەرۋ، ەڭبەك ميگرانتتارىنا رۇقسات بەرۋ قىزمەتتەرى. كەلەسى كەزەكتە تىركەۋ قىزمەتتەرى: كولىك، جىلجىمايتىن مۇلىك، جەرگە قاتىستى قۇجاتتار كوشىرىلەدى. ماقساتىمىز – جىل سوڭىنا دەيىن حالىققا قىزمەت كورسەتۋ ورتالىعىنىڭ جۇكتەمەسىن 50%-عا دەيىن ازايتۋ"، — دەدى مينيستر.