2025 جىلعى 29-30 مامىردا قازاقستاننىڭ استاناسىندا الەمدىك كوشباسشىلاردى، ساراپشىلاردى، ينۆەستورلار مەن بيزنەس وكىلدەرىن بىرىكتىرەتىن ايماقتاعى ەڭ ءىرى ىسكەرلىك وقيعا – استانا حالىقارالىق فورۋمى (AIF2025) وتكىزىلەدى. فورۋم باعدارلاماسى قازىرگى زاماننىڭ نەگىزگى سىن-قاتەرلەرىن قامتىعان پلەنارلىق سەسسيا مەن 25 پىكىرتالاس الاڭىنان تۇرادى. الەمنىڭ تۇكپىر-تۇكپىرىنەن 600-گە جۋىق شەتەلدىك قوناق قاتىسپاق. ولاردىڭ اراسىندا جەتەكشى ساياساتكەرلەر، حالىقارالىق ۇيىم، كورپوراسيا باسشىلارى، ينۆەستورلار مەن عىلىمي توپ وكىلدەرى بار. AIF2025-كە قاتىسۋدى راستاعاندار:

پول كاگامە – رۋاندا رەسپۋبليكاسىنىڭ پرەزيدەنتى؛

ەدي راما – البانيا پرەمەر-مينيسترى؛

اندرەي پلەنكوۆيچ – حورۆاتيا رەسپۋبليكاسىنىڭ پرەمەر-مينيسترى؛

مۋحاممەد بين ابدۋلراحمان ال-تاني – پرەمەر-مينيستر-كاتار سىرتقى ىستەر ءمينيسترى؛

پان گي مۋن – بۇۇ 8-باس حاتشىسى، Green Global Growth Institute ءتوراعاسى، «Boao Forum for Asia» ديرەكتورلار كەڭەسىنىڭ ءتوراعاسى؛

الەن بەرسە – ەۋروپا كەڭەسىنىڭ باس حاتشىسى؛

سيۋي دۋنيۋي – بۇۇ ازىق-تۇلىك جانە اۋىل شارۋاشىلىعى ۇيىمىنىڭ باس ديرەكتورى (FAO)

ەمي پوۋپ – كوشى-قون جونىندەگى حالىقارالىق ۇيىمنىڭ باس ديرەكتورى (Iوم)؛

ماتياس كورمانن – ەىدۇ باس حاتشىسى؛

دارەن تانگ – زياتكەرلىك مەنشىك جونىندەگى دۇنيەجۇزىلىك ۇيىمنىڭ باس ديرەكتورى؛ 

انتونەللا باسساني – ەۋروپا جانە ورتالىق ازيا ايماعى بويىنشا دۇنيەجۇزىلىك بانكتىڭ ۆيسە-پرەزيدەنتى؛

حاوليان سيۋي – بۇۇ باس حاتشىسىنىڭ ورىنباسارى جانە دامۋ باعدارلاماسى اكىمشىسىنىڭ ورىنباسارى؛

سزين ليسيۋن – ازيا ينفراقۇرىلىمدىق ينۆەستيسيالار بانكىنىڭ (اييب) پرەزيدەنتى جانە ديرەكتورلار كەڭەسىنىڭ ءتوراعاسى؛

يۋرگەن ريگتەرينك – ەقدب ءبىرىنشى ۆيسە-پرەزيدەنتى؛

كۋبانىچبەك ومۋرالييەۆ – تۇركى مەملەكەتتەرى ۇيىمىنىڭ باس حاتشىسى؛

سەباستيان كۋرس – اۆستريانىڭ 26-فەدەرالدىق كانسلەرى.

پىكىرتالاستاردىڭ نەگىزگى تاقىرىبى

2025 جىلى AIF جاھاندىق كۇن تارتىبىندەگى نەگىزگى ءۇش باعىتقا نازار اۋدارادى:

سىرتقى ساياسات جانە حالىقارالىق قاۋىپسىزدىك

ەنەرگەتيكا جانە كليماتتىڭ وزگەرۋى  

ەكونوميكا جانە قارجى 

فورۋم ينۆەستيسيا مەن حالىقارالىق ىنتىماقتاستىق درايۆەرى رەتىندە

استانا حالىقارالىق فورۋمى 2025 ينۆەستيسيا ءۇشىن جاھاندىق باسەكەلەستىك داۋىرىندە وتكىزىلىپ، قازاقستاننىڭ الەمگە اشىقتىعىن كورسەتەدى. ءبىزدىڭ ەلىمىز ءىرى الەمدىك كورپوراسيالار مەن قارجى ينستيتۋتتارىنىڭ نازارىن اۋدارا وتىرىپ، ورتالىق ازياداعى ءوز پوزيسياسىن نىعايتا تۇسۋدە. اۋقىمدى رەفورمالار، زاڭنامانى جاڭعىرتۋ مەن ينۆەستيسيالىق احۋالدى جاقسارتۋ ەلدىڭ دامۋىنا جانە ونىڭ ەكونوميكالىق مۇمكىندىگىن كەڭەيتۋگە ىقپال ەتەدى. فورۋمنىڭ مىندەتى – اشىق ديالوگ پەن شەتەلدىك كاپيتال تارتۋدىڭ، ستراتەگيالىق كەلىسىمدەر جاساسۋ مەن ەكونوميكالىق دامۋعا ارنالعان باستامالاردى ىلگەرىلەتۋ ءۇشىن ماڭىزدى پلاتفورما بولۋ. AIF2025 قارساڭىندا قازاقستاننىڭ نەگىزگى ارىپتەستەرىمەن ەكونوميكالىق بايلانىستاردى نىعايتۋعا ارنالعان ءبىرقاتار بيزنەس-فورۋمدار جوسپارلانۋدا:

قازاحستان-فرانسيا بيزنەس-فورۋمى (2025 جىلعى 28 مامىر)؛  

قازاحستان-يتاليا بيزنەس-فورۋمى (2025 جىلعى 28 مامىر).

بۇل ءىس-شارالار حالىقارالىق ىنتىماقتاستىق، تەحنولوگيا الماسۋ جانە بىرلەسكەن ينۆەستيسيالىق جوبالاردى ىسكە اسىرۋ ءۇشىن جاڭا مۇمكىندىك بەرمەك.