جىمپيتى اۋىلىندا شىققان ورتتەن بەس بالا قازا تاپتى
2025 جىلعى 4 مامىردا باتىس قازاقستان وبلىسى سىرىم اۋدانىنا قاراستى جىمپيتى اۋىلىندا جەكە تۇرعىن ۇيدەن ءورت شىعىپ، 1 جاستان 6 جاسقا دەيىنگى بەس بالا كوز جۇمدى. قايعىلى وقيعا كەزىندە اتا-اناسى جۇمىستا بولعان. كوپبالالى وتباسى جالدامالى پاتەردە تۇرعان.
وبلىستىق پوليسيا دەپارتامەنتىنىڭ مالىمەتىنشە، بۇل فاكتى بويىنشا قىلمىستىق ءىس قوزعالدى. الدىن الا بولجام بويىنشا، بالالاردىڭ ولىمىنە كومىرقىشقىل گازىمەن ۋلانۋ سەبەپ بولعان. تەرگەۋ امالدارى جۇرگىزىلىپ، وقيعانىڭ ناقتى سەبەپتەرى انىقتالۋدا.
وقيعاعا بايلانىستى باتىس قازاقستان وبلىسىنىڭ اكىمى ناريمان تورەعالييەۆ رەسمي مالىمدەمە جاساپ، قازا تاپقان بالالاردىڭ وتباسىنا جەرلەۋ ءراسىمىن ۇيىمداستىرۋ، پسيحولوگيالىق كومەك كورسەتۋ، باسپانامەن قامتاماسىز ەتۋ جانە وزگە دە الەۋمەتتىك قولداۋ شارالارى كورسەتىلەتىنىن حابارلادى.
