بەلگىلى دراماتۋرگ، حالىق جازۋشىسى يسرايل ساپارباي ومىردەن ءوتتى، دەپ جازادى Qamshy.kz اقپاراتتىق اگەنتتىگى. قارالى حاباردى جازۋشىلار وداعى ءتوراعاسىنىڭ ورىنباسارى قاسىمحان بەگمانوۆ حابارلادى.
"بۇگىن تاڭنان سۋىق حابار جەتتى.. تاڭعى ساعات ءتورت شاماسىندا 85 جاسىنا قاراعان شاعىندا قازاقستاننىڭ حالىق جازۋشىسى، تاۋەلسىز «پلاتينالى تارلان» سىيلىعىنىڭ لاۋرەاتى، اسا كورنەكتى ۇلت اقىنى، بەلگىلى دراماتۋرگ، تالانتتى سازگەر يسرايل ساپارباي اعامىز دۇنيەدەن ءوتتى. ءيا، ساعات ءتىلى قاسيەتتى جۇماعا قاراي اۋعاندا سوڭعى دەمى ءۇزىلدى.
يسرايل ساپارباي — قازاقتىڭ كورنەكتى اقىنى، دراماتۋرگى، اۋدارماشىسى جانە تانىمال ءان ماتىندەرىنىڭ اۆتورى. ول 1941 جىلى 15 مامىردا وزبەكستاننىڭ سامارقان وبلىسىندا دۇنيەگە كەلگەن. «اققۋ ارمان»، «قىزىل جەل»، «جۇرەگىمە ۇيا سالعان قارلىعاش» سياقتى ليريكالىق جيناقتارىمەن تانىمال. سونىمەن قاتار «سىعان سەرەناداسى»، «اۋىلدان كەلگەن ارۋ» پەسالارى تەاتر ساحناسىندا قويىلىپ، كورەرمەننىڭ ىستىق ىقىلاسىنا بولەنگەن. «پاراسات» وردەنىنىڭ يەگەرى، شىمكەنت قالاسىنىڭ قۇرمەتتى ازاماتى.
