استاناداعى سوت وتىرىسى كەزىندە پەريزات قايراتتىڭ اناسى عايني الاشبايەۆانىڭ تەلەفونىندا ساقتاعان جازبالارى كورسەتىلدى، دەپ حابارلايدى Qamshy.kz اقپارات اگەنتتىگى Ulysmedia.kz سايتىنا سىلتەمە جاساپ. 

پروكۋرور ءمادينا ورازالينا پەريزات قايراتتىڭ اناسى، ايىپتالۋشى گاني الاشبايەۆانىڭ iPhone 13 تەلەفونىن تەكسەرۋ ناتيجەلەرىن جاريا ەتتى.

– پەريزات قايراتپەن بولعان حات الماسۋ قارالدى. اتاپ ايتقاندا، 2022 جىلدىڭ 8 قىركۇيەگىندە قايرات ايىپتالۋشى اناسىنا ەرەكشە بالالارعا ارنالعان وڭالتۋ ورتالىعىنىڭ قۇرىلىسى تۋرالى پرەزەنتاسيانى WhatsApp ارقىلى جىبەرگەنى انىقتالدى. بۇدان بولەك، پەريزات قايرات اناسىنا جىبەرگەن كوپتەگەن فوتوسۋرەتتەرى دە حات الماسۋلارىندا بار. مىسالى، ءىس ماتەريالدارىنىڭ №70 جانە №71 بەتتەرىندە 2022 جىلدىڭ 1 جەلتوقسانىندا جىبەرىلگەن، اقشا سالىنعان بۋما بەينەلەنگەن فوتوسۋرەتتەر بار. اقشا سوماسى – 10 ملن تەڭگە. سۋرەتتە سەلفي تۇسىرىلگەن، – دەدى ورازالينا.

ودان بولەك سوتتا عايني الاشبايەۆانىڭ iPhone ۇيالى تەلەفونىنداعى “زامەتكي” قوسىمشاسىنا ساقتالعان جازبالار كورسەتىلگەن. جازبادا:

37 000 000

5 000 000 – ءتىس ەمدەۋ

10 000 000 – تۋرسياعا بارىپ ەمدەلىپ كەلۋ

3 000 000 – بادى الىپ ءىشۋ

10 000 000 – قىدىرۋ

3 000 000 – فەن شۋي

10 000 000 – بازسى وقۋ

2 000 000 – وفلاين بارۋ قىدىرۋ سول ۋاقىتتاردا

3 000 000 – كيىم الۋ

3 000 000 – بىلەزىك، اق التىن، بريلليانت، دەپ جازىلعان. 

ايتا كەتەيىك، بۇگىن پەريزات قايراتقا بايلانىستى سوت وتىرىسىنىڭ بەسىنشى كۇنى ءوتىپ جاتىر. سوت پروسەسى جابىق رەجيمگە كوشتى.