استانا. قازاقپارات - «اقتاۋ حالىقارالىق تەڭىز ساۋدا پورتى» ۇك» اق پرەزيدەنتى ميحايل يالباچيەۆ باستاعان دەلەگاسيا سانكت-پەتەربۋرگ قالاسىندا وتكەن «كولىكتىك-ترانزيتتىك الەۋەت» VIII حالىقارالىق فورۋمىنا قاتىستى. 
بۇل تۋرالى «قتج» ۇك» اق باسپا ءسوز قىزمەتىنەن حابارلادى.

فورۋمعا قاتىسۋشىلار كولىك جۇيەسىنىڭ تيىمدىلىگىن ارتتىرۋ، كولىك كەشەنىنىڭ جاڭا ەكونوميكالىق جاعدايعا بايلانىستى جاڭعىرتىلۋىن تالقىلادى.

ەكى كۇندىك پىكىر تالاس بارىسىندا ينفراقۇرىلىمدى دامىتۋ جوبالارى مەملەكەت - جەكە كاسىپكەرلىك سەرىكتەستىگى، ينۆەستيسيا تارتۋ، كولىكتەگى كەدەن، تاريف، سالىق ساياساتى ماسەلەلەرىن تالقىلادى.

پىكىرسايىسقا قاتىسقان اقتاۋ تەڭىز پورتىنىڭ جەتەكشىسى م.يالباچيەۆ ءوزىنىڭ بايانداماسىندا «جاڭا جىبەك جولى» باعدارلاماسىن جۇزەگە اسىرۋدا ەۋرازيالىق نارىقتاعى كولىك قىزمەتى سالاسىنىڭ ءترانزيتتى مەملەكەت رەتىندە اقتاۋ پورتىنىڭ ماڭىزى زور ەكەندىگىن اتاپ ءوتتى.

قازىرگى تاڭدا تەڭىز پورتى جۇك تاسىمالىن جىلىنا 3 ميلليون تونناعا ارتتىرۋ ماقساتىندا «اقتاۋ پورتىن سولتۇستىك باعىتتا كەڭەيتۋ» جۇمىستارى جۇرگىزىلىپ جاتىر. بۇل جوبا «نۇرلى جول» باعدارلاماسى اياسىندا جۇزەگە اسىرىلۋدا.

«بۇگىنگى تاڭدا اقتاۋ تەڭىز پورتىندا كاسپييدىڭ وزگە پورتتارىمەن بىرگە باسەكەلەستىككە ساي بولۋ ماقساتىندا كەشەندى شارالار جۇزەگە اسىرىلۋدى. ونىڭ ىشىندە جۇكتەردىڭ جاڭا تۇرلەرىن تاسىمالداۋدى جۇزەگە اسىرۋ، قازىرگى قىزمەت ەتىپ وتىرعان پاروم كەشەنىن جاڭعىرتۋ جوسپارىن جانە جاڭا پاروم كەشەنى قۇرىلىسىن جۇرگىزۋ، رەسىمدەۋدىڭ جەڭىلدەتىلگەن ءتۇرى - مۇنىڭ بارلىعى پورتتىڭ مۋلتيمودالدىق لوگيستيكالىق سەنىمدى تىزبەكتى قۇرايدى»،- دەدى م.يالباچيەۆ.