Qaraǵandyda ákimdiktiń 20 jastaǵy qyzmetkeri - jas qyzdy urlap ketti. Naqtyraq aıtqanda, boıjetkenge ǵashyq 23 jastaǵy Volnyı aýylynyń turǵyny qyzdy ol jumysynan kele jatqan jerinen - úıiniń qasynan alyp qashqan, dep habarlady «Novyı vestnık» gazeti.

Polısıaǵa qyzdyń tátesi aryz jazǵan. Ol quqyq qorǵaý organdaryna Nurjas esimdi jigittiń qyzdy onyń erkinen tys kólikke otyrǵyzyp, belgisiz baǵytta alyp ketkenin habarlaǵan.

Polısıa qyzmetkerleri Nurjastan osy oqıǵaǵa qatysty jaýap alǵanda, ol óziniń ákimdikte jumys isteıtin qyzǵa úılengisi kelgenin jáne onyń qazir Shet aýdanyndaǵy ata-anasynyń úıinde ekenin habarlaǵan. Qyz ákimdikte is qaǵazdaryn júrgizýmen aınalysady.

Polısıa ázirge bunyń shynymen de kisi tonaý bolǵan-bolmaǵanyn jáne ol úshin qylmystyq is qozǵaýdyń qajet-qajetsizdigin anyqtap jatyr.

Eske sala keteıik, jýyrda Parlamentte qalyńdyq urlaǵany úshin qylmystyq jaýapkershilikti engizip, al osy iske barǵandardy 15 jylǵa bostandyǵynan aıyrý kerektigi jóninde másele kóterilgen bolatyn.

QazAqparat