Búgin Almatydaǵy 28 panfılovshylar saıabaǵynda aýǵan soǵysy ardagerleri men ózderin NOD (ulttyq azat etý qozǵalysy - red.) dep ataıtyn uıymnyń ondaǵan belsendisi Adolf Gıtler týraly qarama-qaıshy materıaldar basqan "Juldyzdar otbasy - Ańyz adam" jýrnalyna qatysty narazylyq aksıasyn ótkizdi. 

Azattyq tilshisiniń habarlaýynsha, jınalǵandar jýrnaldyń Gıtlerge nómir arnaýyn aıyptap, "Fashızmniń qaıta tirilýine jol joq!" degen uran ustap shyqqan. Belsendiler jýrnaldyń Gıtlerge arnalǵan nómirin órtep, basylym redaktoryn "jaýapqa tartý" týraly talaptar aıtqan.

Aksıa ótip jatqan kezde jýrnalda fashızmdi qoldaıtyn emeýrin joǵyn aıtpaq bolǵan bir adamdy "fashızmge qarsy" belsendiler sóıletpeýge tyrysty. Álgi adamdy "kim ekenin anyqtaý úshin" polısıa ókilderi ustap áketken.

Qazaq tilinde shyǵatyn, 25 myń danamen taraıtyn "Juldyzdar otbasy - Ańyz adam" jýrnaly sáýir aıyndaǵy sanynda nasıster kósemi Adolf Gıtler týraly qarama-qaıshy maqalalar jarıalaǵan soń daýǵa qalǵanedi.

Azattyq  radıosy