9 qyrkúıek kúni №56 orta mektebinde qalanyń búkil mektep ınspektorlary men dırektorlary jınaldy. Aqtóbe qalasynda bolǵan lańkestik áreketterge baılanysty polıseıler aldyn alý sharalaryn qolǵa ala bastady. Olar ınspektorlar men dırektorlarǵa terorızmge qarsy qandaı aldyn alý sharalary júrgizý kerektigi jóninde baıandady,- dep habarlaıdy Qamshy.kz Kerek-ınfo-ǵa silteme jasap.
Budan basqa, jergilikti polısıa qyzmetiniń aǵa ınspektory Malık Nurseıitovtyń aıtýynsha, namazǵa jyǵylǵan jasóspirimder esepke alynyp júr.
"Qandaı sebeppen, nege dinge kirip ketkeni jóninde tekseris júrip jatyr. Sondaı-aq, kámelet jasqa tolmaǵandarǵa ınspektorlar leksıa oqıdy. Mektepte, kolejderde jáne joǵary oqý oryndarda dinge kirgender esepke alynady. Olardyń ústinen baqylaý isi ashylady. Olardyń úıine baryp, ata-analarymen túsindirý jumystary júrgiziledi. Osyndaı aldyn alý sharalary atqarylady", - deıdi aǵa ınspektor.
Jergilikti polısıa qyzmetiniń ıývenaldy polısıa basshysy Klara Islamovanyń aıtýynsha, namaz oqıtyn jasóspirimder esepke alynbaıdy.
"Biz bundaı jumystar júrgizbeımiz, buny antıterrorıstik ortalyq baqylaýǵa alady. Biz tek kómek kórsetip, anyqtaımyz jáne aqparat beremiz. Bizde tek namaz oqıtyn ata-analardyń tizimi ǵana bar. Al namaz oqıtyn balalardy tirkeýge almaımyz", - dedi ol.
