Búgin  Astanada Qazaqstan Jýrnalıser odaǵynyń basqarma tóraǵasy Seıitqazy Mataevtyń isi boıynsha sot tyńdaýy bastaldy, - dep habarlaıdy Qamshy.kz Azattyqqa silteme jasap.

Eske salaıyq, Seıitqazy Mataev  buǵan deıin úı qamaýyna alynǵan. Ony qoǵamdyq aqparattyq tapsyrysty júzege asyrý barysynda qarajat jymqyrdy dep aıyptaýda.
Sottyń málimetinshe, Qazaqstan jýrnalıser Odaǵynyń basshysy, Ulttyq baspasóz klýbynyń prezıdenti birneshe baptar boıynsha aıyptalýda: QR QK-niń 190-baby, 4-bólimi, 2-tarmaǵy jáne 245-baby, 3-bólimi boıynsha, sondaı-aq  QR QK-niń (16.07.1997 jylǵy redaksıa) 177-babynyń 4-bóliminiń "b" tarmaǵy. Astananyń aýdandyq sotyna Seıitqazy Mataevtyń uly - Ásettiń de isi jiberilgen, oǵan QR QK-niń 190-babynyń 4-bóliminiń 2-tarmaǵy boıynsha aıyp taǵylǵan.