Ózbekstan Prezıdenti Islam Karımovtyń qazasynan keıin onyń úlken qyzy Gúlnárdiń taǵdyry týraly áńgime qaıta qozǵaldy. Bul túsinikti de. Sebebi ákesiniń kózi tirisinde Gúlnár eldegi yqpaldy tulǵalardyń biri sanalǵan. Tek 5 jyl buryn týyndaǵan halyqaralyq qarjylyq daýlardan keıin joly bógelgen edi.
Joǵary laýazymdaǵy derekkóz Prezıdenttiń tuńǵysh qyzynyń psıhıatrıalyq aýrýhanaǵa jatqyzylǵanyn habarlaǵan. Sebepteri aıtylmaıdy. Sondaı-aq onyń uly Islam Karımov anasymen baılanysa almaı otyrǵan kórinedi,- dep habarlaıdy Qamshy.kz reactor.inform.kz-ke silteme jasap.
Qos Islam. Gúlnárdiń ákesi men uly.
Gúlnár Kárimova kezinde saıasatpen, bıznespen ǵana shektelgen joq. Sán áleminde baǵyn synap, shoý-bızneste «Gýgýsha» laqap atymen belgili bolǵan-dy. Keıin ákesiniń buıryǵymen úıqamaqqa alynǵan. Al jalǵyz sińilisi Lola Karımova bir suhbatynda ápkesimen 12 jyldan beri aralaspaıtynyn aıtqan bolatyn.
