Jynystyq qatynasqa májbúrlegenimen qoımaı, qorǵansyz áıeldi azaptaǵan. Natalá Slekıshınany zorlaǵan túrme qyzmetkerine endi osyndaı aıyp taǵylyp jatyr,- dep habarlaıdy Qamshy.kz  KTK arnasyna silteme jasap.

"Sottalýshy buǵan deıin qyzmetin asyra paıdalanyp, jábirlenýshini jynystyq qatynasqa májbúrlegeni úshin aıyptalǵan edi. Biz isti qaıta qarap, aıyptaý aktisine tolyqtyrý engizdik. Iaǵnı, endi túrme qyzmetkeri «azaptaý» baby boıynsha da sot aldynda jaýap beredi", - deıdi prokýror Dáýren Halyqov.

Buǵan qosa, Slekıshınany advokattan bas tartýǵa májbúrlegender de jazaǵa tartylatyn boldy. Jábirlenýshi taraptyń buǵan kóńili tolǵanymen, olar jalǵyz Rýslan Hakımovtiń jazalanýyna qarsy. Sebebi, Slekıshına tergeý qapasynda ózin 4 qyzmetkerdiń jabylyp zorlaǵanyn málimdegen edi. Sóıtip, ol júkti bolyp, qyz týǵan.

Saraptama nátıjesi boıynsha, túrmede týylǵan sábıdiń ákesi qazir sottalyp jatqan maıor Hakımov bolyp shyqty. Al zorlanǵan áıel aıyptaǵan taǵy 3 qyzmetker sotqa kýáger retinde qatysyp jatyr.

Ózi azamattyq nekedegi kúıeýine qaraqshylyq shabýyl jasaǵany úshin 8 jylǵa sottalǵan Natalá Slekıshınanyń áli óteıtin 6 jarym jyly bar eken. Endi onyń advokaty túrmede kórgen qorlyǵy úshin jazasyn óteýdi keıinge qaldyrýdy talap etpek.

"Ony abaqtydan shyǵaryp alýdyń amalyn oılap otyrmyn. Nege deseńiz, 3 nárestesi bar. Soǵan men ótinish sotqa jiberem", - deıdi advokat Aıman Omarova.