Almaty oblysy Jambyl aýdanynda ótken jeksenbide joǵalǵan mal saýdasymen aınalysatyn úsh jigittiń qaıtys bolǵany belgili boldy. Ol týraly polısıa marqumdardyń týystaryna estirtken, - dep habarlaıdy Qamshy.kz.
Sondaı-aq polısıa osy oqıǵaǵa qatysy bar degen kúdikpen eki adamdy tutqyndaǵan.
Esterińizge salsaq, 1979 jylǵy Doldanuly Jarqynbek, 1973 jylǵy Zarlyhanuly Muqıat pen Álimhan Qadylbek esimdi jigitter Shyǵys Qazaqstan oblysynyń Tarbaǵataı aýdanynan 40 bas mal satyp alyp, ony eki júk kóligimen 17 qyrkúıek, senbi kúni, Almaty mańyndaǵy Uzynaǵash bazaryna shyǵarǵan. Sodan beri týystary ol azamattardyń esh habaryn bile almaı, izdeý salǵan bolatyn.
Keshe joǵalǵan azamattar mal tıep ketken eki kóliktiń jáne joǵalǵan jigitter bazarǵa alyp shyqqan 40 bas iri qaranyń 35 basy tabylǵany týraly jazǵan bolatynbyz.
