Qazaqstandyq akter, model, ári telejúrgizýshi Táýekel Múslim óz esimimen atalatyn átirler shyǵara bastady,- dep habarlaıdy Qamshy.kz QazAqparatqa silteme jasap.

 Bouquet de Parfums fransýzdyq kompanıasy Qazaqstandaǵy resmı destrıbútory MSLM kompanıasymen birge Tauyekel Mussilim brendimen ıissýlar shyǵara bastady. Qyz-kelinshekterge arnalǵan alǵashqy átir “Asylym”, erler ıissýy “Kemel” dep ataldy.

Olar Qazaqstan dúkenderine satylymǵa 1 qazan kúni túsedi dep josparlanýda. Biraq Táýekel Múslimniń kompanıasy qazirdiń ózinde aldyn ala tapsyrystardy qabyldaý ústinde. Qazaqstandyq brendpen shyǵarylatyn tuńǵysh ári jalǵyz fransýzdyq parfúmerıalardyń baǵasy 11 900 teńge.

 Telejuldyz óz týyndylarynyń tanystyrylymyn jýyrda Astanada, Almatyda, Bishkek pen Tashkentte ótkizýdi josparlap otyr.

 Ol Instagramdaǵy paraqshasynda jankúıerlerin tusaýkeserge qatysýǵa jáne jeńildikpen beriletin aldyn ala tapsyrystardy jasaýǵa shaqyrýda.