Saýyq keshke barǵan qyzdyń tozaqqa aınalǵan ómiri (+18)

/uploads/thumbnail/20170709193030579_small.jpg

Venesýeladan shyqqan Jaklın Sabýrıdo esimdi jas qyz AQSH-ta oqyp júredi. Qyzda bir adamǵa kerekti nárseniń bári boldy: ádemi túr-kelbet, kóptegen dostar men kútýshiler, ata-anasymen jaqsy qarym-qatynas.

Kezekti ret dosymen birge saýyq keshke barǵan Jaklın kóńil kóterip qaıtýdy oılaǵan. Alaıda bir túnde basyna ornaǵan qasiret ómirin tozaqqa aınaldyrdy. Eskertý: bul júıke júıesi álsizderge arnalmaǵan!

Jaklın dostarymen birge otyrǵan kólikke 18-jastaǵy stýdent Redjınald Steısıdiń kóligi soǵylady. Keıin anyqtalǵandaı, jigit esin bilmes mas kúıde rólge ıe bola almaı qalǵan.

Qyzdyń eki dosy bolmashy jaraqat alyp, tezdetip kólikten shyǵyp ketedi. Taǵy ekeýi órtenip, mert bolady. Al Jaklınnyń ózi kólikte qalyp qoıyp, 45 sekýnd boıy órtke oranyp, denesiniń 60% kúıik shalǵan.

Sulý qyzdyń ákesiniń bıznesin jalǵastyramyn degen oıy armanǵa aınaldy. Dárigerler qyzdyń ómirin qutqaryp qalý úshin jabyla kómek kórsetedi. Ol úshin dárigerlerge 50-den kóp ota jasaý kerek bolady.

Órt Jaklınnyń beti men shashyn alyp qoıdy. Qyz aqyryndap kórý men estý qabiletin joǵaltady. Odan bólek, dárigerler kúıip qalǵan saýsaqtaryn da alyp tastaýǵa májbúr bolǵan.

Ákesi Amadeo qyzyn taǵdyr tálkegine jalǵyz tastamaı, qıyndyqty birge ótkeredi. Qyzynyń qasynan bir eli aıyrylmaǵan ákesi oǵan qolynan kelgen barlyq kómegin aıamady. Múmkin, Jaklındy óz-ózin óltirýden arashalap qalǵan ákesiniń kómegi shyǵar!

Kólik soqtyǵysyna sebep bolǵan kinálini sot jazalady. Jigitti mas kúıinde rólge otyrǵany úshin jáne adam ólimi boıynsha sot jeti jylǵa jazalady. Oǵan qosa, ol zardap shekkenderdiń otbasyna 20 myń dollar kóleminde tóleý tıis.

Stýdent bolǵan oqıǵaǵa ókinip, keshirim surady. Jaklın ony keshirdi. Ol oqıǵadan keıin 15 jyl ótti. Jigit jazasyn alyp, túrmeden shyqty, qazir bostandyqta. Al, baqytsyz qyz qaıǵyly oqıǵanyń saldarymen áli de kúresip, ómir súrýin jalǵastyryp jatyr.

Joǵaryda kórsetilgen sýrette qazirgi Jaklın kórsetilgen. 2004 jyly oǵan kóz almastyryp berdi. Al qazir Jaklın betine transplantasıa jasalǵanyn kútip júr.

Bul ota túri óte sırek jasalady, biraq sońǵy jyldary bul baǵytta aıtýly ózgerister bolyp jatyr. Kim biledi, múmkin, birneshe jyldan keıin dárigerler Jaklınǵa jańa bet syılaıtyn shyǵar!

Búginde qyz ýaqytyn bosqa ótkizip júrgen joq. Ol telearnalarda sóz sóılep, mas kúıinde kólik aıdaýdyń arty nege aparyp soqtyraryn adamdarǵa kórsetip, nasıhattap júr.

Múmkin onyń sózi arqyly kóptegen júrgizýshiler artyq urttap qoısa da, rólge otyrýdan bas tartqan shyǵar. Jaklınnyń taǵdyry – mundaı qatelikterdiń oryn alýyna jol bermeý kerektiginiń dáleli.

Pikir qaldyrý

Qatysty Maqalalar