Meırambek Taýbaldıev áriptesimizdiń feısbýk paraqshasynan mynandaı jazba oqyp qaldyq. Jaǵamyzdy ustadyq.

Meırambek bylaı deıdi:

"Birden aıtaıyn, bul sóz Ganúshkın selosyndaǵy "Temiráli" meshitiniń dinı qyzmetkerine qatysty aıtylyp otyr. Qysqasy...
Naǵashy ájemizdiń jyldyq asyn ótkizgen anam qaýmalaǵan týma-týystardyń babyn tabam dep júrip, Quran oqýǵa kelgen ımamdy esten shyǵaryp alsa kerek! Alasapyran sezimde júrgen anamnyń telefonyna kelgen hat tómende.
Atyraý oblysy,Qurmanǵazy aýdany Ganúshkın selosyndaǵy meshittiń ımamy jazypty! Imamnyń aty-jóni - Sársenbaı Bıkenov. 

Suraq:
1. Imamdar qashannan beri qudaıdyń atynan sóıleıtin bolǵan?!
2. Islam -beıbitshilik, musylman - kórkem minezdi jan, QMDB Ábý-Hanıpa mazhabynyń mamandaryn osylaı tárbıeleıtin bolǵan ba!?
3. Islam dinine mahabbatty ósire almaı júrgende, sezimdi sýytyp, óshirýge ımam da atsalysatyn bolǵan ba!?
4. Árıne, aqsha kerek, eńbek ótemi bolýy tıis! Biraq....
Qaıǵyly qazaǵa qabyrǵasy qaıysyp, qara jamylǵan otbasyǵa agresıalyq "demeý" kórsetken Sársenbaı ımamǵa "srochno" mamandyq aýystyrý kerek!
Qurmetti QMDB qyzmetkerleri! Bile júrińiz! "Bir qumalaq bir qaryn maıdy shiritedi".

Aıtpaqshy, sol kúni anam eńbekaqysyn jetkizipti. Qaryz emespiz! Kim bilgen, Alla jazamyzdy berip júrer?!"