Japonıadaǵy iri jarnamalyq qompanıanyń prezıdenti óziniń qyzmetkeri óz-ózine qol jumsaǵan soń, bir jyldan keıin jumystan ketýge nıetti ekenin jetkizdi. Qyz jumys ýaqytynan tys ústeme jumys istegenine shydaı almaı, óz-ózine qol jumsaǵan.

Japonıadaǵy Dentsu  jarnamalyq kompanıanyń basshysy Tadası Isı óziniń qyzmetten ketetinin málimdedi. Bul Tokıo ýnıversıtetiniń túlegi, 24 jasar qyzmetkeri Matsýrı Takahası sýısıd jasaǵan keıin dálme-dál 1 jyl ótken soń boldy. Qyz sáýir aıynan jumysqa turǵannan bastap, ár aı saıyn jumys ýaqytynan tys 100 saǵattan kóp ústeme jumys istep kelgen. Bul eldiń eńbek zańnamasyn óreskel buzý bolyp tabylady. Aqyr aıaǵynda ol jumystyń tym kóptiliginen tereń depressıaǵa ushyraǵan, ol óz Tvıtter paraqshasynda ólim men úshin eń baqytty nátıje dep jazyp, artynan terezeden sekirip ketken.

Ár jyl saıyn júzdegen japondyqtar jumysty tym asyra isteýden qaıtys bolady. Bul elde «karosı» dep atalady. «Karosıdiń» sebepteri ınsýlt, ınfarkt pen óz-ózin óltirý bolyp tabylady, al myńdaǵan adamdar depressıa men basqa da ómirge qaýipti aýrýlardyń qurbany bolyp jatady. Tadası Isıge qatysty tergeý jumystary júrgizilip jatyr – onyń jumystan ketýiniń sebepteriniń biri boldy.

«Jumysta tym kóp ústeme bolmaý kerek, – dedi ol jýrnalıserge. – Men jaýapkershiligimdi sezine otyryp, bolǵan oqıǵaǵa qatty ókinemin. Kompanıa qyzmetkerlerge óz-ózin tanytýǵa kedergi bolmaý kerek, biraq men bul ústeme jumys máselesin sheshe almaǵanyma jáne belgili bir standartty ornata almaǵanyma ókinemin».

Matsýrı Takahası isi qoǵamda keń talqylandy jáne sony mysalǵa ala otyryp, kóptegen adamdar «karosıǵa» resmı túrde tyıym salynǵanyn jáne buǵan jol beretin jumys berýshilerdi jaýapkershilikke tartqanyn qalaıdy. Statısıka málimeti boıynsha, árbir besinshe japondyq kompanıa ústeme jumysty qoldanady, bul óz kezeginde qyzmetkerlerdiń ómirine qaýip týǵyzady.