Bir apta buryn «Ulttyq kelisim bıligi» qulaǵannan keıin Lıvıada jańa másele paıda boldy – Djamahırı kósemniń qyzy Aısha Kaddafı. Erıtreı hatyna tórt jyldan beri jaýap ala almaǵannan soń ol lıvıalyqtardy Batysty jańasha jaýlaý saıasatyna qarsy shyǵýǵa úgitteýde, al ózin aty ańyzǵa aınalǵan ákesiniń murageri – «Lıvıanyń anasy» dep tanytty. Benı-Valıd (Mısýrata) qalasyndaǵy İri lıvıalyq «varfalla» taıpasy Djamahırııdiń atyn beıimdiligin jarıalap, Aıshanyń adaldyǵyna ant berdi. Buǵan jaýap retinde Brıtanıalyq VVS Mýammar kaddafıdiń qyzynyń qyzý qandylyǵyn eskere otyryp, onyń shynaıy bet-beınesin ashatyn naqty dáleldemeler keltirdi. Al NATO Lıvıadaǵy jaǵdaıǵa baılanysty Golandıada shuǵyl túrde jınalys ótkizgen, dep habarlaıdy zagopod.com, málimettiń qazaqsha nusqasyn "Qamshy" portaly oqyrman nazaryna usynady.
Aıshaǵa «qara tańba» jiberý úshin Batysta barlyq negiz bar. Ol Kaddafıdiń jalǵyz qyzy, sol sebepti de lıvıalyqtarǵa yqpaly zor bolyp, Batysqa edáýir qaýip tóndirip otyr. Áıelderge «lıvıalyq balalaryn» qorǵaýǵa úgitteı alatyn Kaddafıdiń segiz balalarynyń ishindegi jalǵyzy osy Aısha. Sorbonnanyń úzdik aǵartýshylyq dástúri boıynsha ol Lıvıa men shet elderde qupıa úkimet quratynyn jarnamalaǵan. Batystyqtar ony ákesin qalaı qınap óltirse, ózin de solaı óltiremiz dep qorqytqan. Ákesiniń ólimimien qatar Aıshanyń jeke esebi bar – natolyq áýe kúshteriniń soqysynan eki balasy men kúıeýi kóz jumǵan eken.
Batysta Aısha Kaddafı shyǵys arýy retinde óte tanymal bolǵanymen Reseıde ol jaıly biletinder tym az. Ol 39 jasta. Aıshanyń áıel adam ekendigine, sonymen qatar musylmandyqtan alys ekendigine qaramastan Lıvıadaǵy tóńkeriske deıin ony Mýammar Kaddafıdiń murageri retinde taǵaıyndaǵan. Ákesiniń súıikti qyzy, kishkentaıynan ákesiniń ıdeıalarynan shabyttanyp ósken. Ol jańa lıvıalyq dástúrler boıynsha tárbıelengen – Arabıalyq sosıalısik Djamahırıı, olardyń ustanymdary – búkil álemdi bolmasa da, Afrıkany mindetti túrde azat etýi kerek. Ony uzyn buıra shashtary, symbatty dene bitimi úshin «afrıkalyq Klaýdıı Shıfer» dep ataıtyn. Negizinen jińishke djınsy, Gucci bıikóksheleri men musylmandyq oramal taǵyp júretin.
Alaıda 2011 jyly kenetten ol evropalyq top-modelderdiń ımıjine aýysyp, hıdjab kıe bastaǵan. Osylaı halyqqa jaqyndyǵyn bildirip, el ishindegi máselelerge Batystyń aralasýyna narazylyǵyn bildirdi. Qyzynyń negizgi mindeti Kaddafıdiń saıasatyn jalǵastyrý boldy. Óziniń jalǵyz qyzyn Mýammar Kaddafı qan tazalyǵyn saqtaý maqsatynda týǵan bólesi Ahmed Al-Kaddafı al-Kasqıǵa turmysqa bergen. BUU-da Aısha Kaddafı Afrıkadaǵy SPID pen asharshylyqqa qarsy kúres júrgizý kerektigin alǵa tartyp, Kaddafıdiń afrıkalyq ıdealdaryn ustanǵan.
2011 jyldyń tamyzynda Trıpolı astanasy búlikshilerdiń qolyna kóshkennen soń Mýammar Kaddafı Aıshanyń Lıvıada qalýyna ruqsat bermedi. Bes kúnnen keıin Kaddafıdiń rezıdensıasyn da basyp alǵannan soń, ol Muhammad pen Gannıbal atty eki ulyna kelinshegi men aıaǵy aýyr qyzyn amanattap tapsyryp, Aljırge jiberedi. Aısha úsh kúnnen soń qyz bosanady. 21 qazanda bolǵan Kaddafıdiń ólimi Aıshanyń ómirge degen qushtarlyǵyn joıyǵanymen, ol aýrýhanadan shyqqannan soń óz kúresin bastaǵan. Aljır bıliginiń eki ret tyım salǵanyna qaramastan lıvıalyq turǵyndardy Mýammar Kaddafıdiń ólimi úshin kek alýǵa shaqyrǵan, al bir jyldan soń, 2012 jyldyń qazan aıynda, Omanǵa ketýge májbúr bolady. Ol ýaqytta Aısha BUU-daǵy óz mártebesinen tolyqtaı aıyrylǵan bolatyn, sonymen qatar saıası búlik týǵyzdy degen aıypppen Interpoldyń nazaryna iligip, oǵan qaýip tóndi. «Kaddafı Lıvıada emes, ol lıvıalyqtardyń júreginde» ekendigine Aısha Kaddafı senedi.
Aýdarǵan: Nazerke Labıhan
