Er adam qyzymen tabys tabý úshin kóshede qalam satyp júrdi. Alaıda bir sýret olardyń ómirin túbegeıli ózgertti.

Sırıalyq qashqyn Abdýl Halım al-Attar otbasyn asyraý úshin Beırýt qalasynyń kóshelerinde qalam satýǵa májbúr bolady. Ádette ol qalam satýǵa qyzymen shyǵatyn.

Onyń otbasy – 4 jasar qyzy Rım ǵana. Áıeli Sırıadan qashyp ketken soń, 4 aıdan keıin eline qaıtyp ketedi.

Al-Attar Sırıa qyzy úshin qaýipti dep eseptep, Beırýt qalasynda qyzymen qalýǵa májbúr bolady.

Biraq bir ǵana sýret er adam men onyń qyzynyń ómiriniń jaqsy jaqqa qaraı ózgerýine úlken septigin tıgizedi. Norvegıalyq veb-ázirleýshi Gıssýr Sımanorsan kóshede qalam satyp júrgen otbasyn sýretke túsirip, olar úshin halyqtan kómek surap, aqsha jınaýǵa kirisedi.  

Tańqalarlyǵy, bir sýrettiń arqasynda 200 myń dollardaı aqsha jınaldy. Al-Attar jınalǵan aqshany Lıvanda óziniń jeke bıznesin ashý úshin jumsady. Qazirgi ýaqytta kásipker ózi sekildi qashyp kelgen azamattardy jumyspen qamtyp, tabys tabýǵa kómektesýde.

«Meniń ǵana emes, qyzymnyń da ómiri ózgerdi. Men kómektesip júrgen adamdar da ómirlerin jaqsy arnaǵa burýda», - dep pikirin bildirdi er adam.

Qalam satýshydan jeke kásipkerge aınaldy, kómekke muqtaj jandardan kómegin aıamady. Úmit pen qaıyrymdy istiń adam ómiri úshin mańyzy qanshalyqty zor ekeni osyǵan dálel.