Keshe bas qalamyzdyń jyl on eki aı aıryqsha ásemdigi men tazalyǵyna jaýapty qyzmetkerlerge erekshe syı-qurmet kórsetildi. Bul týraly «Qamshy» portaly «Nur Astana» ortalyq  meshitiniń baspasóz qyzmetine silteme jasap habarlaıdy.

«Nur Astana» ortalyq meshiti Astana tazalyqshylaryna arnaýly shara uıymdastyrdy. Bul shara elorda ákimdiginiń «Astana – meıirimdi qala» aksıasy aıasynda kórikti qalamyzdyń ajaryn arttyryp, shyraıyn kirgizgen, en boıyna qylaý juqtyrmaı jan aıanbaı eńbek etýshilerge qoldaý kórsetip, kóńilderine demeý bildirý maqsatynda qolǵa alynǵan. Ásirese, alty aılap qysqy yzǵar men qalyń qar jaýǵan aralyqta qala tazalyqshylarynyń qyzmeti qyzady.

Tazalyqshylar aıazdy kúnge qaramastan qala qonaqtary men turǵyndarynyń, qala berdi kólikterdiń qozǵalysyna qolaılylyq týdyrý úshin ala tańnan jumysqa kirisedi. Bel býyp, kúrek arqalap, qaltqysyz eńbek etedi.

Mine, osyndaı eńbekqor topqa «Nur Astana» meshiti qyzmetkerleri  búgin tańǵy ystyq as pen qoıý kúreń sháımen syı jasady. Igilikti sharada D.Qonaev, Máńgilik el jáne Qabanbaı batyr kósheleri boıynda jumysqa jumyldyrylǵan 90 adam qamtyldy. Óz kezeginde din qyzmetkerleriniń izet-qurmetine tazalyqshy top rıasyz alǵys-tilekterin arnady.