Qaraǵandyda zeınetker Saıran Ábenova ata-anasyz qalǵan nemeresimen alty jyl boıy turaqty baspana taba almaı, bir orynnan ekinshisine kóship júrýge májbúr. Qaraǵandylyq ájeıge esimin jarıalaǵysy kelmegen áıel kómek qolyn sozyp otyr. Ol páter aqysyn jarty jyl tólep turýǵa daıyn, - dep habarlaıdy Tengrinews.kz
15 jastaǵy Dıana 2014 jyly ata-anasynan aıyrylǵan. Nemeresin ájesi Saıran qolyna alǵan. Ájeıge qyzdy balalar úıine ótkizip tastaǵan durys bolady degender de tabylǵan eken. "Biz 16 yqshamaýdanda turdyq, men aýla sypyrýshy boldym. Basynda 300, sosyn 500 teńge nápáqa taýyp otyrdym. KSK ókili únemi qaraılasyp júretin. Qyzym qaıtys bolǵan soń, bos turǵan páterge kirip, óz atymyzǵa jazyp alýdy usynǵan", - deıdi zeınetker.
Ájeıdiń sózinshe, páter 10 jyldaı qaraýsyz bolǵan, sondyqtan jóndeýdi qajet etetin. Áıel óz kúshimen esik, terezesin salyp, komýnaldyq qaryzyn tólep, eski qubyrlaryn aýystyrǵan. "Osy ýaqyt boıy páterdi atyma aýystyrǵym keldi, árdaıym túrli anyqtama alyp kel dep shyǵaryp salady. kómektesemiz dep ýáde beredi. Sosyn TKSH basshysy aýysty da biz týraly bári umytyp ketti", - deıdi Saıran apa.
Al 2011 jyly páterdiń burynǵy ıesi qaıta kelip, páterdi bosatýyn talap etti. Ábenova sotta utylyp qaldy. "Qarańǵy túnde polıseıler kelip, zattaryńdy jıyńdar dedi. Kishkentaı bala baryna qaramastan, dórekilik tanytty", - deıdi ájeı. Kelesi on kúndi bul otbasy jertólede ótkizgen. Sosyn páter jaldaıdy. Biraq pátergeaqysyn tóleý qıynǵa soqty, sol sebepti ájeı sheneýnikterge kómek surap jıi baratyn. 2016 jyldyń kókteminde olarǵa "Jetimder úıánái" bir bólmesine turýǵa ruqsat etedi. Ol jerde de komýnaldyq qaryzdy óteý kerek bolatyn. Degenmen ájeı men kishkentaı qyzdy ol jerden de qýyp shyqqan.
"Bizge bes adm keldi, aralarynda TKSH qyzmetkeri bar. Qarańǵy túsip ketkenine qaramastan bizdi qýyp shyqty, bul jerde soǵys ardageri turý kerektigin aıtty. Kóz jasymyzdy tyıa almadyq. Sosyn kórshi páterge turýǵa ruqsat berdi", - deıdi Saıran apa. Endi bul jerde de nemeresi men ájesi kópke deıin turaqtaı almaıdy. "Bul jerde únemi tura bere almaısyńdar deıdi, kún jylyǵan soń ketýimiz kerek eken", - dep muńyn aıtty ájeı. Áje men nemeresin qýyp shyqqan páterdiń osy kúnge deıin bos turǵanyn aıta ketý kerek.
Qazirgi kezde qaraǵandylyqtar áleýmettik jeli arqyly ájesi men nemeresine qalaı kómektesý kerek ekenin talqylap jatyr.
