Qytaıda baıqaýǵa qatysyp jatqan Otandasymyz Dımash Qudaıbergen pandalarmen júzdesken resmı 1-shi Elshi atandy dep habarlaıdy "Qamshy" portaly.
Baıqaý ótip jatqan Chansha qalasynan Chandý qalasyna Dımash arnaıy ushyp baryp, "I am in China" jobasy aıasynda pandalarmen kezdesken. Bul týraly ánshi óziniń Instagram paraqshasynda jazdy.
"Álemdik janýarlardy qorǵaý uıymynyń logotıpinen pandanyń sýretin kórgende "ne sebepti dál osy janýar qyzyl kitapqa eńip jatqan myńdaǵan tirshilik ıesinen birinshi orynda, úlken nazarǵa ıe" dep oılaıtyn bolarsyzdar?! Bul janýar álem boıynsha 2000-ǵa jýyq qana sany qalypty. Ómir súrýleri erekshe! Minezderi adamǵa uqsas. Renjip qalady, erkeleıdi!... Men keshe olarmen kezdestim...
Qytaıdyń Sychýan ólkesi jer júzindegi barlyq pandanyń Otany! Chandý qalasyna arnaıy ushyp baryp, osynaý súıkimdi janýarlarmen jaqynaraq tanystym. Álem boıynsha tuńǵysh ret "I'm in China" jobasy aıasynda pandalarmen júzdesken resmı 1-shi Elshi atandym! Aqyl-sanasy jetik ár adam balasy Allanyń jaratqan ár tirshilik ıesine meıirimmen qaraýy tıis!", - dedi Dımash Qudaıbergen.
Sondaı-aq, Dımashtyń dosy ári prodúseri Alpamys Sharımov pandalarmen kezdesýge barǵan sátinen vıdeo bólisti.
