Jambyl aýdanynyń turǵyny óziniń bir jasar balasyn bóten aýlaǵa tastap ketti, dep habarlaıdy KTK jańalyqtary.

Tilshilerdiń aıtýynsha, áıel istegen isine ókinip, balasyn qaıtaryp alý úshin, aýrýhanaǵa ózi keledi. Biraq, kóp uzamaı qolǵa túsedi.

34 jasar áıel óz áreketine ókinip otyryp, kúıinishpen jaǵdaıyn túsindirip berdi. Aıtýynsha, onyń kámelet jasqa tolmaǵan taǵy eki balasy bar eken. Jaqynda ǵana ajyrasyp, tórkinine qaıtyp barǵan. Al, kúıeýiniń otbasy anadan balasyn tartyp almaqshy bolady. Balasyn bergisi kelmegen ana sábıin bóten aýlaǵa tastap ketip, ózge adamdardyń asyrap alǵanyn jón sanaıdy. Endi, áıelge qatysty is qozǵalýda. Alaıda, jaǵdaıynyń tómendigine baılanysty jazany jeńildetýi múmkin.

«Meniń basqa múmkindigim bolǵan joq. Ýaqytsha bolsa da baladan qutylýym kerek boldy. Biraq aldaǵy kúnimdi múldem oılamappyn», - dep aqtaldy áıel.

Eske sala keteıik, 2017 jyldyń 15 aqpanynda Merki aýdanynyń turǵyndary aýladan bir jasar sábı taýyp alady. Kókek ana qyzdyń zattary men hat qaldyryp ketken eken: «Onyń esimi Zere. Ol bir jas, 3 aılyq. Qyzyma bir aıdaı ýaqyt qaraı tursańyzdar deımin. Bir aıdan soń kelip, alyp ketemin».