Bilim jáne ǵylym mınıstrligi ózge memlekettik organdardyń muǵalimderdi halyqty aralaýǵa májbúrleýine tyıym salýdy kózdeıdi dep habarlady bilim jáne ǵylym mınıstri Erlan Saǵadıev, dep habarlaıdy Sputnik portaly
"Taǵy bir basty maqsat – muǵalimderdiń moınyna ózderine tán emes qyzmetter tapsyrýǵa tyıym salý. Muny oryndaý ońaı bolmasa da, qolǵa alǵaly otyrmyz. Búginde bárimizge aıan – muǵalimder saraptamalar jınaqtaıdy, kartochkalar men jol júrý bıletterin taratady, úı-úıdi aralaıdy", — dedi Saǵadıev QR BǴM kollegıasynyń jalpy otyrysynda.
Onyń sózine súıensek, vedomstvo birinshi kezekte statısıkalyq málimetter jınaý úshin úı-úıdi aralaý mindettemesinen qutylmaq. "Osyǵan tyıym salmaqpyz, ári qaraı mehanızmin oılastyryp, basqa da organdarmen birlese joǵaryda aıtylǵan maqsattar úshin muǵalimniń eńbegin paıdalanýǵa tyıym salatyn buıryqtar shyǵarýdy nemese úkimet qaýlsyn engizýdi qalaımyz. Búginde bul másele talqylanýda, izdeý qolǵa alyndy. Áýeli jalpyǵa mindetti oqý boıynsha úı-úıdi aralaýdy doǵaramyz", — dedi Saǵadıev.