Bul týraly áleýmettik jelide Janbolat Kenjeǵul dabyl qaqty.
«Myna beınejazbany Qoǵalykól aýylyndaǵy "Esentaev Súndet" sharýa qojalyǵynyń ıesi Ramazan esimdi jigit joldap otyr. Onyń aıtýynsha, 24 kúnniń ishinde 23 bıe qulyn tastaǵan. Bul qatardy Imanov, Chkalov eldi-mekenderi tolyqtyra túsýde. Al búgin aýdan ortalyǵynda" eki birdeı kórshiles úıdiń úsh-úshten alty bıesi qulyn tastaǵany týraly xabarlady. Sonymen qatar buǵan deıin Qarasý aýylynda belgisiz sebeppen ólgen buzaýlar tirkelgen.
Sharýalar mal dárigerleri men jaýapty sala ókilderiniń nazar aýdarýyn suraıdy», - dep jazdy mal ólimine alańdaǵan azamat.
Eske salatyn bolsaq, 2 jyl buryn qazaq dalasynda 200 myńǵa jýyq kıik qyrylyp qalǵan edi. Ol ýaqytta qyrylǵan kıik aldymen osy Qostanaı oblysy Amangeldi aýdanynda mamyrdyń 10-y kúni tabyla bastaǵan bolatyn.
