Shyǵys Qazaqstan oblysynda joǵalǵan tikushaq Aıagóz qalasynan soltústik batysqa qaraı 60 km jerden tabyldy, dep habarlaıdy TJK-nyń baspasóz qyzmeti.
Apat bolǵan jerdi búgin Almaty oblysynan izdeýge attandyrylǵan jeke kompanıanyń MI-2 tikushaǵy tapty. Mı-2 Aıǵyz aýylynyń mańyn aınalyp ushyp júrgen bolatyn. «Qazaeronavıgasıanyń» málimetinshe, joǵalǵan tikushaq Aıagóz qalasynan soltústik batysqa qaraı 60 km jerden tabyldy. Olardyń habarlaýynsha, ushqysh qaza tapqan. Bir jolaýshy aman qalǵan, ony Aıǵyz aýylyna jetkizedi. Al borttaǵy úshinshi adam týraly aqparat naqtylanýda. SHAAJQJ men SHQO TJD qutqarýshylary jer betimen apat ornyna bara jatyr. Kólik qozǵalysyna aýa raıy qolaısyzdyǵy men joldyń bolmaýy kedergi keltirýde.
Eske sala ketsek, keshe keshke jeke adamǵa tıesili S-341 tikushaǵynyń ushqyshy baılanysqa shyqpaı qaldy. jeke menshiktegi S-341 tikushaǵy keshe Úrjar aýdanyndaǵy Qoja aýylynan ushyp shyǵyp, Aıagóz aýdanyndaǵy Aqshataý aýylyna qonýy kerek bolǵan. Kýágerler tikushaqtyń Aıǵyzdyń ústinen ushqanyn kórgen. Alaıda jeter jerine jetpegen. 25 aqpanda saǵat 18.30-da pılot baılanysqa shyqpaǵan. Ony izdeýge búgin tańerteń oblys ortalyǵynan bortynda qutqarýshylar toby jáne SHQO TJD basshysynyń orynbasary bar MI-8, Semeı qalasynan MI-17 áskerı tikushaǵy ushyp shyqty. SHQO TJD daǵdarys ortalyǵynda jáne Aıagóz aýdanynda jedel shtab quryldy. İzdestirý jumystaryna SHQO TJD jeke quramynan jáne aýdandyq İİB 29 adam men 4 tehnıka jumyldyryldy. Jerigilikti atqarý organynan 10 adam jáne 5 tehnıka shyqty.
